فواز تكفى ســـــــامحني

[size=16]السلام عليكم ورحمة الله وبركاته

هذه القصه من وقائع حقيقية

بقلم إستيفانة الطائية

(فواز تكفى سامحني)

ماتقبلت الفراق ومال يدي فيه حيله،،
آه لو إن الظروف المقبله تكشف
قدرها،،
لو يعرف الواحد منا وش مع الغيب بيجيله،،
كان جنبنا المشاكل من قبل يوقع ضررها،،
ماهقيت الليله اللي جابت الفرقا طويله،،
لين صارت ليلة الأمس بعيني أطول من شهرها،،
والعذاب اللي يذوب بعين من يفقد خليله،،
عندي أكبر من عذاب العين لو تفقد نظرها،،
رحت أسولف للجبال الصم عن قصة رحيله،،
ماتركت متونها إلا ينحت الدمع بصخرها،،
&
&
بس بنات لا أحد يقعد يصارخ لوسمحتوا تناقشوا بهدؤ،،
طبعا الواحد من يقول لهم هدؤ يزيدون تلقائيا)
المهم ندخل بالسالفه،،

في يوم من الأيام كنت أنا وشلتي قاعدين قدام في قاعة المحاضرات(لايفوتكم حنا شلة الدوافير بس بدون كرت)
.،
أنا هدى (المتحدث الرسمي بإسم الشله وطبعا المتحدث بهالقصه)
وشلتي وهم:
مريوم:دايم تبي تثبت للعالم إنها هي الصح وغيرها غلط ورأيها لازم يمشي على الجميع طيب ،غصب ماشي يعني ماشي(ماخذه مقلب بعمره) الزبده عرفنا طبعها وصرنا بس نبي نسكتها علشان نفتك من طولة لسانه،
خلود:طيبه لحدالسذاجه (يعني الغباء ) وبالعاميه مع الخيل ياشقرا معاهم معاهم عليهم عليهم
مشاعل:راعية هوشات ومشكلجيه تدور المشاكل دوره،
وربي إن هالبنت مصرقعه لدرجه إنها مره صفقت عيال حارتهم واحد ورى الثاني،،،بالمختصر هي الذراع اليمين لشلةالدوافير،،
أشواق وهي أخر وحده من الشله:هالإنسانه عايشه بعالم الأحلام ،،،خياليه ورومانسيه (لوتفكنا من أحلامها أبرك لها)
بالنهايه كلنا نموت في بعض وماأحد يقدر يستغني عن ثاني،،

ياحلاة ذاك اليوم يوم الأحد كنت قاعده أنا والشله وكالعاده قعدت معنا منال وهالبنت لو يعطونها دكتوراه بالكذب كان تأخذ دكتوراه مع مرتبةالشرف،،،
شلتي خير شر مايدانونه(يحبونه)
مصلحجيه بمعنى الكلمه...
وبينما حنا جالسين نحتسي القهوه(من هالحين اللي مايبرمج عقله بين العامي والفصحى ترى مايقدر يواصل)
المهم إلتفت لورى أبي أشوف من فيه بالقاعه إلا طاحت عيني على ساره،،
ياربيييه ياهالبنت تخوفني فيها شي موب عادي،،،أحس لا ناظرتها كأنها بتقوم تكفخني،،،
من عرفتها وهي لحالها،،،
منعزله عن الناس وتتكلم من رأس خشمه،،وبعض الأحيان
أفكرأرسل لها شعوله(تتودس في بطن أم من جابتها) آه صحيح تقهرني لكن بنفس الوقت أحس عندها شي لأن عيونها تترجم كلام واجد(إخس ياللي تفهم لغةالعيون)
وبصراحه دايم فيه كلام صامت بيننا،،وغيركذا لاحظتها سرحانه مهمومه في حالة قلق أصلا وجهها كأنه شجرةفي الصيف ،،عندها شي موب طبيعي،
طراااااااااااخ
إنقطع حبل أفكاري ،،،،
طلع هذا صوت كرسي حاذفته مشاعل الله يهديه أثريها مسويه لها مصيبه ماسكه لها وحده من بنات القاعه اللي جنبنا تبي تكفخها،،
البنات لمشاعل: يا مشاعل إستهدي بالله وش صاير،،،هجدي شياطينك وخلي بنت الناس بحالها،
مشاعل: وخرو عني أقول أنا ضاربتها يعني ضاربتها...
مريم: مشاعل لا تفضحيننا تكفين العالم تناظر...
مشاعل: لو أبوي برأسه يوقف قدامي والله مانيب تاركته يعني مانيب تاركته واللي فيها خير تقرب لا أتودس في بطونكم كلكم...
خلودشوي وتصيح طبعا هذي خكرية الشله لو تحطونه بالشمس ذابت) مشاعل تكفين هالحين راح يودوننا للإداره أنا خايفه...
مشاعل: إنتي ولا كلمه لا أمصع شعرك من جذوره هذا اللي هامك...
أشواق: شعوله الدنيا حلوه وحرام تسوين بالبنت كذا بليز شعولتي دلوعتي حبيبتي
مشاعل: ياليل البعارين منين طلعت هذي بعد،،والله إن ماوخرتي ياأشواق لأوريك الدلع وأمسك شوشتك هالمنكوشه وأستشورها بيديني،،،
هدى: طيب روقي شعوله وقولي لنا وش السالفه علشان نكفخها معك لكن أول شي وش سوت لك؟؟
مشاعل: يابعدي ياأم الفزعات أنا قايله إنتس راعية مواجيب ((مشاعل طبعا كانت تتكلم والبنت مازالت في قبضة مشاعل تعاني وتستنجد بالعالم،،،)
مشاعل وهي تكمل سالفتها:
أنا متوعده فيها لأنها تخزني كل يوم من فوق لتحت كأني حمار عند أبوها،،،وأنا متحلفه فيها لو طالعتني اليوم كذا بمسح بوجهها
السبوره وهذا روجها الفاقع كأنه لمبه بأخليه طباشير،،،(ههههه)(مشاعل تضحك بصوت عالي)
البنت وهي في حالة يرثى لها تقول لمشاعل: ياااااي إيش هالمستوى اللي وصلتي له يامشاعل أوف منك ومن تصرفاتك البايخه؟؟
(مشاعل وقد تغيرت ملامح وجهها وشمرت عن ساعديها وفصخت الجاكيت اللي كأنه فروه=>والله ماألوم أحد لو ناظر جاكيتها الحفله)المهم طلعت شياطين مشاعل وإستعدت لتكفيخ البنت والبوكس جاي طاير يمشي 180 إلا الدكتوره داخله)) وحده دبوسه بالقاعه راحت تعلم)
الدكتوره وهي تصرخ:
مشاعل إيه ده بتعملي إيه؟
مشاعل:لا عادي ولا شي بس كنت أعلمها طرق الدفاع عن النفس..
الدكتوره: وبالوحشيه دي ؟ إنتي عاوزه تكسري رأسها وألا إيه ؟
(طبعا مشاعل داخل نفسها تقول...آه أنا مش عاوزه أكسر رأسها وبس إلاودي أفقع عيونها اللي كأنها عبارات جمس منفقعه من كثر هالكحل اللي حاطته)
مشاعل إنطقت وماقالت شي بينما البنت تسجد شكرا لله إنها تخلصت من براثن شعوله..

بعد ماإنتهت المحاضره كان رأسي بينفجر وأرسلت شعوله وخلود يجيبون قهوه أما مرايم وأشواق راحو يجيبون فطور..
حطيت رأسي على الطاوله وأنا أحس بصداع فضيع ،،،المهم سمعت صوت وحده تضحك،،الصوت موب غريب بس الغريب الضحكه من جد كانت غريبه،،، ساره تضحك يالله هذي من عجايب الدنيا السبع ،،
بعفويه إلتفت لها وإبتسمت،قلت لها:ساره حلوه ضحكتك.
ساره وبصمت: هدى مايهمني رأيك ولو تسكتين أبرك.
(أنا إنصدمت وربي لو شعوله معطيتني كف أهون على قلبي من ذا الرد)
طبعا جمعت ما تكسر من كبريائي وبمجامله قلت:شكرا ساره بس اللي قصدته أول مره أشوفك تضحكين.
(ياعمري هدى مسكينه ماله وجه تبي ترقعها)
ساره:أقول لو تكرمينا بسكوتك أصرف لك.
فجاءه**
دخلت شعوله وخلود.
مشاعل: أقول وربي مكفختها يعني مكفختها والله لأرجعها لبيتهم طير منتف.
خلود: مشاعل تكفين لاتسوين مشاكل لو صار لك شي أنا بموت.

مشاعل:أقول لاتخافين علي أنا قدها وقدود لأوريك وش لون أهجد هالدلوعات اللي بالجامعه وأكسر روسهم.
(شوي دخلت مريوم وأشواق ومعهم المهايطيه منال وإنضم لقروبنا فترة البريك ريم وحنان وميس،،،وقعدنا مع بعض نفطر وأنا مالي خلق أفكر وش لون أرد إعتباري من ساره،،،أصلا هي إنسانه ماتستاهل من يفكر فيها لا وزودن على هذا شايفه نفسها،،،وكرهتها بقوه وتمنيت لو إني حتى ماطالعتها،،،

يا صاحبي مافادنا كثر الأحلام،،
واللي بخاطرنا عجزنا نطوله،،
ماتت أمانينا على كف الأيام،،
وحكم القدر عارض علينا ميوله،،
نمشي ورى والوقت يمشي لقدام،،
ضعنا وضيعنا كلام نقوله،،
تعبيرنا ماضمته رؤوس الأقلام،،
وتكسرت كل الحروف بسهوله،،

كملنا فطورنا وبدأت المحاضره،،
كانت المحاضره مره روعه تتكلم عن الأحلام و الطموحات بالمستقبل،،،،
مرايم طموحها تشتغل بالبنك،
خلود تبي تصير أم،،،
أشواق حابه تصير معلمه،،،
شعوله طموحها بالحياه تفتح شركة شاحنات وتكون أول إمراءه تقود الشاحنه بالسعوديه،،،
أما أنا كان طموحي تمريض لكن نظرةالمجتمع فرضت على تخصص ثاني => صحيح كانت حياتي جحيم بس قدرت أواصل وأتحدى كل الظروف وأثبت لنفسي إني أقدر على أشياء واجد وإن الحياه ماراح تتوقف لو مادخلت التخصص اللي أبي)
بنات بقاعتنا وحده منهم قالت تبي تكون كاتبه والثانيه تبغى محاماه،،،الزبده إختلفت الآرا والموضوع صار يحمس بقوه،،،،
منيره وحده من الطالبات تتمنى تتعلم كاراتيه علشان تكفح هاللي يلاحقونها من مكان لمكان،،،
كراااآآاش
أطالع إلا ذا مصاقع الكراسي أثريها شعوله نطت من الفرحه وتناظر لمنيره
مشاعل:أبشري بعزتس بعد المحاضره لاأعلمتس جميع أنواع الفنون القتاليه يع يع
منيره:لا لا لا تسلمين يمممماه ماأبي خلاص.
القاعه فقعوا من الضحك عليهم.
أنا إلتفت شوي شوي ورى أبي أطالع لساره بس ماأبيها تحس فيني وإنصدمت يوم شفتها تمسح دموعها من ورى النظاره بشموخ وعزه بدون ماتخلي أحد ينتبه عليها..
ومن قرادة حظي طاحت عيني بعينها وقلت بنفسي (آخ اليوم موب معدي على خير معها الله يستر)
لكن من جد ذبحني الفضول ليش تبكي ساره هالبنت الجليديه بعدين قلت بالطقاق كرامتي فوق كل شي...

رجعنا لبيوتنا وأنا مو قادره أنسى ساره ووش قالت لي..وطول الوقت أفكر فيها لأن أول مره يصير معي كذا وأحد يكلمني بهالوقاحه (إيه هذي عمايل اللقافه)
مر إسبوع على هالموقف وأنا وساره ماغير ناظر في بعض ونبي نأكل بعض بهالنظرات اللي كلها شرر..أخ بس ودي أفقع وجهها...ماأحد يتصور كيف وصلت بيننا لدرجةمرة كنت ماشيه أنا وشلةاللحوج اللي معي وبنروح للكفتريا وكانت ساره مع شلتها والسيب زحمه ومادريت إلا وكتفها صاقع في كتفي...
واللي قهرني ياناس حتى ماإعتذرت وبكل بجاحه قالت لي..
ساره: الله لا يعمينا إنتبهي مره ثانيه.
(هنا أنا إرتفع ضغطي وبغيت أحوسها من شعرها...طبعا شعوله بغتها من الله فيه هوشه ومع مين مع ساره اللي مسببه قلق بالجامعه...
شعوله:أقول هدى خليني عليها والله لا أشمخ وجهها وأخليه شارع تفحيط أقول إتركوني عليها...
هدى:مشاعل خليها بس أنا أصفي حساباتي معها.
شعوله:أقولك هالبنت والله لأخليها عبره مدري على وش شايفه نفسها هالمغروره.
مريوم :شعوله إتركيها وإذا سوت شي مره ثانيه كلنا نبي نفزع معتس.
أشواق وخلود بصوت واحد:
أأأأيوه شعووووله حيلك فيها.
(لا حظوا كل هذا وساره ساكته وتطالعهم من فوق إلى تحت)
ساره:إمممم الظاهر ماعمركم جربتوا أحد يمسح فيكم بلاط الجامعه.
مشاعل:هههههه ليش على بالك إننا صابون ههه.
ساره:ياثقالة دمك.
مشاعل:هههه زيدي عليه شوي ماي ويخف ههه.
ساره:الحمدالله اللي مكملنا بعقولنا.
هدى:زين إنك تعرفين وش هو العقل.
ساره وبنظرات مربكه: لا يكثر بس وخوذي شلتك وخري عن طريقي.
هدى :ولو ما خذيتها يعني وش بيصير.
مشاعل:إيه والله وش بتسوين إنتي وخشتس.
ساره: هدى رجاء خاص ترى لك إحترامك بعدي عن طريقي.
(هدى إختبصت وماعرفت ترد ولا بكلمه وتعيد برأسها كلمة ساره¥هدى لك إحترامك¥)
هدى بعد تداركها للموقف: زين إنك تعرفين الإحترام.
يالله بنات خلونا نمشي ولا نضيع وقت.
إنسحبت الشله ومر الموقف بسلام....

هدى كلما شافت ساره حست بشي إتجاه البنت وبنفس الوقت شي غريب يجذبها بدون شعور لها ،،
صحيح ساره شخصيه نوعا ما حلوه،قويه، غامضه،،لا وبعد دافوره حسب المزاج لكن عيبها إنها ماتبتسم ولا تضحك إلا ماندر،،
(هدى=> في هذاك اليوم كنت أنا وشلتي بالقاعه ومعنا بنات ونتناقش إنه خلاص الإمتحانات قربت ولازم نستعد،، ورانا حوسه واجد تصوير أوراق وملازم وفيه كتب إلى هالحين ماشريناها==> ههه إذا دوافير القاعه كذا أجل الدجه وش يكون حالهم)
الزبده حالتنا يرثى لها وطبعا ياكثر أهل المصالح اللي مايعرفونك إلا وقت الإمتحانات وإذا خلصت ولا كنه يعرف هوى دارك،
سويت نفسي حبتين ووقفت عند السبوره وأتفلسف على خوياتي إن الحياه حلوه ولازم نعيش أحلى لحظات مع اللي نحب وكنت أحذرهم ما أبغى حركات إن الأخلاق تصير تجاريه وقت الإمتحان واللي أشوف نفسيتها زفت وربي لأرسل عليها شعوله تتودس في بطنها،،،وأنا قاعده أتكلم إلتفت يمين ومادريت إلا وساره تبتسم"يالله إبتسامتها روعه" بس كبريائي منعني إني أرد لها الإبتسامه بالعكس كنت جافه معها لأنها تستاهل هو أحد قال لها صيري شينه،،
جاء وقت البريك وقعدنا مع بعض ونسولف مندمجين بقوه بسالفه،،،شوي إلا وحده واقفه على رأسي وضربت الطاوله اللي جنبي
ماذا ياترى حدث؟؟

هدى: بسم الله علينا وش هالزلزال اللي رجنا،
(مشاعل مستعده وماسكه الملعقه والسكين لأي حالة طواري،،أما أشواق وخلود ومريوم يطالعون منصدمين)
هدى رفعت رأسها وقعدت تناظر فوق ومادرت إلا هذي ساره،،
هدى:ياليل ماأطولك وش تبي هذي بعد،
ساره:السلام عليكم
الشله: وعليكم السلام
ساره: عذرا قطعت عليكم أكلكم
مشاعل: زين تدرين ولابعد تراك سديتي نفوسنا،
خلود:بغيتي شي.
ساره: هدى بعد الفطور بغيت من وقتك دقايق.
هدى: بعد الفطور تبداء المحاضره وأعذريني ماأقدر أطنشها.
(الملقوفه مشاعل لازم تدخل نفسها)
مشاعل: أصلا من هي علشان تطنشين المحاضره علشانها.
ساره وبنظرات أسى ولكن بشموخ وعزة: أنا قلت هدى ياهدى إذا فضيتي بغيتك.
( هنا بهاللحظه كنت ميته من الحماس...ساره بنفسها جايه وبأدب وذوق تبيني هذا يوم السعد والهنا أخيرن برد إعتباري لا وبخليها تندم بعد..)
هدى ردت على ساره بعد تفكير: أوكي لافضيت رديت لك خبر.
ساره:أوكي
( راحت ساره وهي بقمة عزة النفس..)
شعوله خذت القهوه وحذفتها علي
مشاعل:إنتي ياهدى لازم أحد يعطيك دورة في الجلافة وشين الأخلاق...الناس اللي مثلها مايستحقون الإحترام.
ريم :إيه هدى ليش وافقتي البنت شايفه نفسها وعلى بالها إن كل العالم بيموتون عليها.
منال: أنا سمعت إنها معقده نفسيا ولا بعد الله لايبلانا يقولون ماهمها أحد.
حنان:أعوذ بالله خلاص خلوها بحالها إحنا وش دخلنا فيها.
منال: لا وبعد يقولون...
حنان: بس منال كافي ،،،مافيه إنسان مايغلط والمفروض مهما عرفتي عنها تحاولين تسترينها،،،
(زاد النقاش بين البنات ويتهاوشون أما هدى سرحت بأفكارها وداخل نفسها تقول وش تبي ذي بعد ؟)

رديت أنا لعيون حضرتك لبيه،،
كني شعرت إنك تبيني وجيتك،،
مدري أحاسيسي على وجهها ليه؟؟
أنا عزمت أشوف وش عند ساره وقررت إني أسحب على المحاضره الثانيه اللي تبدا من 9 وإنتظرت بنات القاعه يطلعون لأن أعرف إن ساره ماتحب تطلع والناس اللي يحبونها دايم عندها فوق،،
وقفت وناظرت لساره قلت لها:
ساره فاضيه،
ساره: ليش وش تشوفيني أسوي مثلا،
هدى: لا ماأشوفك تسوين شي لكن قلت ممكن تنتظرين أحد،
ساره:إنتي عارفه أنا أنتظرمين!
هدى: وأنا وش دراني،،
ساره:ترى الإستهبال ماينفع معي،
هدى: ليش من متى الميانه علشان أستهبل معك،
ساره: لايكثر يابنت الناس وشوفي لنا مكان نقعد فيه.
هدى:ماهوب أنا اللي أشوف وأدور إنتي اللي طلبتيني وإنتي اللي تدورين.
ساره بإنفعال:تذليني بهالشي.
هدى: لا ماأذلك لكن هذي هي الحقيقه.
ساره:أوكي إسبقيني على قاعةالمحاضرات الكبيره .هادئه وفاضيه،
هدى:ليش أنا اللي أسبقك إنتي اللي مفروض تنتظريني هناك،
ساره: هدى وش فيك كبري عقلك البنات لو بيشوفنا مع بعض بيسون زحمه والشارع فاضي.
هدى: خلهم يشوفوننا ليش حنا مسويين شي غلط.
ساره :وربي مافيني حيل أتناقش بفهمك كل شي هناك بس روحي.
(باللحظه هذي أول مره أحس بنبرتها إنكسار:
هدى:أوكي بتلقيني هناك.

(في قاعةالمحاضرات)
فعلا كان ملتقى هدى وساره هناك.
هدى تصف شعورها لما قابلت ساره لأول مره بلحالهم وجو هادي.
(يالله كان شعور لايوصف أول ماشفتها بغيت أقوم أدق لها التحيه وغير كذا إرتبكت وخفت وقلت يالله تعديها على خير...تماسكت وحاولت ماأبين لها شي وخططت إني أتخذ إسلوب مشاعل وهو الهجوم بعدين قلت لا ياهدى إهجدي وشوفي وش السالفه ولا صار شي دقه على الدوريه شعوله تجي داعسه البنزين..)
ساره بهدؤ: هدى أنا إرتحت لك.
(هدى صعقت وكأن خالد ولد جيرانهم جايب علبة كولا وحاذفها بوجهها)
هدى: مدري وش أقول.
ساره:لاتقولين شي خليني أنا أقول.
هدى: قولي
ساره:
قصة حياتي عذاب إنسان،،
يوم أتذكر لياليها،،
ما زان وقتي أبد مازان،،
أول حياتي وتاليها،،
أقاسي الهم والأحزان،،
من صغر سني أقاسيها،،
و((أعاني الصد والهجران ،،
من أقرب الناس أعانيها،،))
أضحك وأجامل مع الخلان
وجروح قلبي أخبيها،،
كتب علي القدر حرمان،،
محروم من كل مافيها،،
محروم حتى من النسيان،،
نعمه ولاني بلاقيها،،

آه ياهدى
تعبت من الصمت اللي طول وذبحني بطوله
هدى:عسى الداعي اللي دعى صمتك خير.
ساره :وش اللي يدعي الصمت غيرالهم.
(هدى بدأت تهداءوحست إن البنت عندها كلام واجد)
هدى: ساره صدقيني مافيه إنسان ماعنده هم بس كل واحد يتعامل مع همومه بطريقته.
ساره:اللي بقلبي ياهدى حرام إنه ينقال عنه هم اللي بقلبي جرايم.
هدى:!!! وش قلتي؟
ساره:هدى أنا مجرمه.
هدى: أعوذ بالله هموم وبلعناها بس مجرمه هذي وين أصرفها.
ساره:إسمعي يابنت الأجواد...أنا بحياتي مافتحت أوراقي لأحد.
هدى وبلقافه:طيب وش خلاك تعترفين لي هالحين.
ساره: هدى إفهميني أنا أرتحت لك وحسيتك أنسب وحده ممكن أبوح لها بالسر اللي كاتمني.
هدى بإندفاع:سرك في بئر لكن تصرفاتك تبين العكس مرات أحس ودك تفقعين وجهي.
ساره:أنا مستحيل أبين لأحد مكانه عندي خلاص أنا تأدبت.
هدى:ليش مافيها شي وربي إن الصداقه أحلى شي.
ساره:الصداقه""ههههه""
هدى:؟؟؟
ساره:أنا وش سبة مشاكلي غير هالصداقه اللي تقولين عنها.
هدى:وش رأيك تدخلين بصلب الموضوع؟
ساره:أنا كنت مثلكم أحلم واطمح لكل شي حلو بالحياه..أرسم فراشات وورود وأحب الهياص والوناسه.
هدى:طيب.
ساره:أعشق البراءه وأحب المزح والضحك وكنت هبلا .مرجوجه..
هدى:ما أصدق إنتي تضحكين.
ساره:إيه موب إنسانه أنا.
هدى:سوري موب قصدي المهم كملي.
ساره: من هنا بدت قصتي تخرجت من الثانوي ونسبتي 98% وإستخفيت من الوناسه وأنا طموحي بالحياه طب أطفال.
هدى: إنتي وطب أطفال لا لا إنتي شوي شوي تصدميني
ساره:بلا تجريح لو سمحتي.
هدى:أسفه بس أنا كذا أشوف شكلك على كل حال وش صار.
ساره: طرت من الوناسه وأخذت شهادتي وركضت فيها لأبوي وأمي ومره إستانسوا ورفعوا رأسهم فيني...
يا أبوي يا أمي يابعد كل هالناس،،
ياقلب ينبض بالمحبه والإحساس،،
يامن غلاكم في حياتي حياتي،،
يسري في صدري مثل ترديد الأنفاس،،
لو قلت لك يا بوي عمري هديه،،
وأقدمه لأجلك براحة يديه،،
ما ضني بوفي ربع فضلك عليه،،
لأنك عطيت الحب بدون مقياس،،
وهذاك الوقت دار نقاش حول مستقبلي....
والد ساره: ها سوير على البركه.
ساره:الله يبارك فيك يبه هذا من رضاك علي.
الوالد:وش ناويه تدخلين؟
ساره:يبه إنت عارف طموحي من زمان...الطب هو كل شي بحياتي.
الوالد:بس سوير الموضوع ماهوب هالسهوله.
ساره:ليش يبه معقد السالفه والموضوع مره بسيط.
الوالد:إنتي توك يا بابا صغيره وماإنتي فاهمه وش ممكن تكون نظرة الناس لك.
ساره:يبه واللي يسلمك أنا وش مسويه ماهوب حرام إني أشتغل شغله كلها شرف...
الوالد:بس المجتمع مايرحم.
ساره:يبه< <لو بسمع كلام الناس ماتقدمت خطوه ولاحتى حققت هالنجاح ولاحتى جبت نسبه>>
الوالد:مدري وش أقول الموضوع يبي له تفكير.
ساره:إسمعني يبه إنت ربيتني على الأخلاق وعلى الثقه وإني أكون مستقله بشخصيتي فما راح تكون أي مشكله لو أدرس طب.
الوالد:أممممم آآآه
ساره: والمهم إنك تكون على قناعه تامه إني موب قاعده أسوي شي غلط بالعكس أنا قاعده أرفع رأسك...ويكفي إن الصحابيات كانوا قدوه لنا.
الوالد:بس سوير وقتهم غير وقتنا.
ساره: لا يبه لا دخيل عيونك لا تقول كذا العبره موب في الزمن العبره بالنهايه بالطريقه اللي حنا نفكر فيها وكيف نخلي المجتمع يرضخ للأمر الواقع.
الوالد: إسمعي أنا مقتنع تمام بكلامك بس شوفي فواز أخوك وش يقول.
ساره: يعني إنت موافق.
الوالد:شوفي فواز.
ساره:لاحول وش ذا الفواز اللي مدري من وين طلع.

طوط _طوط_طوط
آلوووو فووواز أبشرك نجحت.
فواز: ألف مبروك هذا لإني مساندك بالدراسه.
ساره: إلا والله قل بالغباء.
فواز: إيش.؟
ساره:لا سلامتك إلا وش أخبار أم محمد وعيالك.
فواز:تمام .يالله جهزي نفسك بسوي لك حفله.
ساره:فواز بغيتك بموضوع.
فواز:سمي وش بغيتي.
ساره:فواز أنا ودي أدخل طب أطفال.
فواز:طراااااااااأإأخ
(قفل السماعه بوجه ساره)
عشر دقايق إلا وهو مسنتر عند الباب...

( دف .دف. دف)
إفتحوا الباب..
الخدامه: مين هذا عند باب؟
فواز:إفتحي وصمخ أنا فواز.
الخدامه وبقلب ميت رعب: أنت إيش يبي مافيه أحد هنا.
(مسكينه من كثر مايصطرها بكفوف وطراقات)
فواز: ومرض يكسر عظامك إفتحي.
(الخدامه فتحت الباب بسرعه جنونيه وماتشوف إلا غبرتها من الخرعه،، لاعن أبو جدينها فواز)

دخل فواز الصاله...
فواز: سووير
ساره:سم يابعدهم إنت.
فواز:إيه هلا فيك.
ساره:لو داريه إنك جاي كان فرشت لك الأرض ورد.
فواز:بلا هياط وإخلصي علينا
ساره:وش فيه.
فواز:علمن يا صلك إمسحي من رأسك سالفة طب.
ساره:ليش فواز؟
فواز: قلت لك ماعندنا بنات يدخلون طب فاهمه.
ساره:لا فهمني من جد فهمني وش المشكله.
فواز:وتناقشين بعد.
ساره:هذا مستقبلي.
فواز:أقول إهجدي ولايكثر مافيه يعني مافيه.
ساره: فواز دخيلك ليش؟
فواز: وش بيقولون الناس داخله طب ومين هذا اللي بيتزوجك والأ حتى يفكرأصلا فيك؟
ساره:مو مهم المهم إني مو مسويه غلط.
فواز:هذا الغلط بعينه إنك تعاندين الناس.. وش يفهمهم إن اللي قاعده تسوينه صح.
ساره:فواز والله مو مهم مدام إني مرضيه ربي ومصليه فرضي وباره بأهلي موب مهم الناس.
فواز:شوفي عاد نقاش زايد ترى بيجني عليك لا تطولينها وهي قصيره إنتي ناويه تجبين العار.
ساره: فواااااز ليش فاهم المسأله كذا.
فواز:إسمعي ياساره مالك دخله على المستشفى إلا على جنازتك.
ساره:بس أبوي موافق.
فواز:لا تقعدين تعاندين قلت مافيه يعني مافيه.

يتبع

[/size]

[size=16]هدى: أوف طيب وش صار بعدين.؟
ساره: تعبت نفسيا،،مو حلو إنك تشوفين حلم حياتك ينهدم والسبب مو فشلك بالعكس كان بسبةاللي حولك.
هدى: وبعدين؟؟
ساره: إنهرت وتعبت وصرت ماآكل وأمي وأبوى راحمين حالتي وحاولوا يقنعون فواز بس لاحياة لمن تنادي.
هدى:ليش ماأصريتي وحاولتي تتمسكين بحلمك؟
ساره: ليش فواز ترك لي حلم بحياتي.
هدى: وش سوى لك؟
ساره: قطع عني كل الإتصالات وسحب جوالي وخرب التليفزيون علشان ماأعرف موعد التسجيل.
هدى: الله أكبر عليه.
ساره:ومنعني من الطلعات علشان ماأصيد أي خبر.
هدى: وش سويتي.
ساره:كنت أرسل السواق يجيب لي جرايد بدون ماأحد يدري وألقط الأخبار.
هدى:أوكي
ساره: وأزيدك من الشعر بيت وأكيد بتقولين إني سافله.
كنت أتميلح عند ميراج سواقنا علشان يعطيني جواله وأكلم للتسجيل.
هدى مصدومه: تتميلحين أعوذ بالله.الغايه لا تبرر الوسيله.
ساره: هدى لا تعاتبين ترى توك ماسمعتي شي.
هدى:آآه كملي.
ساره:طلع إسمي بالجريده إني من المقبولات وإستخفيت من الوناسه وقعدت أصيح وأركض لأبوي وأمي أبشرهم.
هدى:أكيد إنبسطوا.
ساره:خليني أقولك وش صار...
أخذت النتيجه
ساره: يبه خلاص قبلوني وأخيرا تحقق حلمي.
الوالد بتفكير:طيب وفواز.
ساره:وش دخله فيني إنت أبوي وهو ماله دخل.
الوالد:عيب هذا أخوك الكبير بمثابةالوالد
ساره: يبه الله يخليك حاول تقنعه تكفى حاول.
( أخذ أبو ساره التلفون وإتصل بفواز...)
طوط _طوط
الوالد: هلا فواز.
فواز:عسى خير وش عندك يبه
الوالد: ساره طلع قبولها بالجريدة في كليةالطب
فواز: وش تقول؟؟
الوالد:إيه وش المشكله الحمدالله قبلوها.
فواز:يبه والناس وعاداتنا وتقاليدنا وش بيقولون بنت محمد تدرس طب إستغفر الله ياربي.
الوالد: تعال وتفاهم مع أختك.
فواز:أنا لو بجي بكسر عظامها.
طراأااااااااخ
(قفل السماعه بوجه أبوه)

(عشر دقايق إلا فواز عند الباب
دف،دف،دف،)
الخدامه مسكينه خلاص عرفت نغمة فواز ،،فتحت الباب بسرعه وفحطت من الخرعه،،

(فواز داخل وعيونه شر وجهه بينفجر من الزعل ويروح يصعد فوق لغرفة ساره ويمسكها مع شعرها)
فواز:يا تبن أنا مومحذرك إنك ما تسوين شي من وراي.
ساره: أنا وش دخلني هم اللي طلعوا إسمي.
فواز: عسى يدينك للشلل قبل ماتجبين الفضايح لنا وش أقول لأخوياي فضحتينا.
ساره وهي تصيح: دخيلك مالي دخل.
فواز: ذابحك الليله يعني ذابحك.
((طبعا مثل ماقال فواز وضرب ساره ضرب خلاها تكره الطب وساعته))
هدى: وش دعوه وش المصيبه اللي تستحق الضرب كان بإمكانه يمنعك بطريقه أحسن.
ساره: هنا بديت أفكر بالجامعه وفعلا دخلتها ورميت حلم حياتي ورى ظهري علشان فواز وأشكاله..
ودخلت الجامعه ودرست أول سنه وكنت من الأوائل على الدفعه،،لكن في شي داخلي مو راضي يقنعني إن اللي وصلت له كافي،،،،نجحت للسنه الثانيه وعديت بإمتياز ووصلت لسنه ثالث جامعه وشعبيتي عند البنات والأساتذه تزيد ،،،وعلاقاتي كانت مره روعه،،لكن أحس فيه شي ناقص بحياتي وأنا قاعده أدور عليه،
بعدها إنضميت لشلة معي بالقاعه وأعجبوني،،،عايشين حياتهم فله ووناسه ورامين الدنيا وراهم ومايهمهم أحد،،،اللي برأسهم يسوونه،،
عشت معهم أحلى لحظات جنونيه مستحيل أنساها ،،وكان في الشله وحده إسمها ملاك،،،
هالبنت لازقه فيني بشكل محد يتخيله ولاحظت إهتمامها الزايد فيني،،،
بصراحه أعجبتني شخصيتها وأفكارها العجيبه في كل شي وقويت علاقتي فيها وصرت ماأقدر أستغني عنها،،،

هدى: طيب إلى هنا والوضع أحس إنه عادي تقريبا،
ساره وفي عيونها دموع: هدى خليني أكمل، ،
عرفت إن الخيانه طبع في عمر الزمن والناس،،
إذا ماخان بك واحد أكيد بيخون الثاني،،
صارت ملاك هي كل شي بحياتي،،،صديقتي واللي أثق فيها بمعنى الكلمه،،لايمكن أتخيل حياتي بدونها،،،صحيح بعض تصرفات ملاك تشككني وماتعجنبي بس كنت أقول لا عادي عايشه حياتها،،،
إلين ماجاء ذاك اليوم اللي أسميه يوم الدمار بحياتي،،،
كنت بقاعةالمحاضرات وملا ك والشله كلهم حولي،،وكنا من أروع مايكون والحلو بشلتنا محد يعرف عن الثاني شي يعني علاقتنا هياص ودجه،،
وفي المحاضره كانت الدكتوره وصال تناقش حول المجالات اللي إقتحمتها المرأه وقاعده تعدد إنجازات البنات وتشجع إن الواحد يتمسك بهدفه مهما كانت الظروف ،،،وقامت تعدد وتقول إن المراءه وصلت للمحاماه ودخلت الصحافه وحتى بالطب أثبتت جدارتها،،،،
طبعا هي من قالت كذا أنا إنهرت وقعدت أصيح ومحد داري وش فيني،،،إستأذنت من الدكتوره وطلعت،،،،دقايق مادريت إلا ملاك وراي،،،
ملاك:مو معقوله ساره تبكي.
ساره:هع هع هع
ملاك:ماكنت أتخيل يوم أشوف دموعك.
ساره:خلاااااص روحي وإتركيني.
ملاك:مستحيل وإنتي بهالحاله.
ساره بصراخ:ملاك وخري عني لاتلمسيني.
ملاك:والله لو إنطبقت السماء على الأرض ماأخليك.
((هذيك اللحظه قعدت ملاك تهدي فيني وسحبنا على المحاضره الثانيه،،وبلحظة ضعف إنهرت وقلت لهاسالفة التخصص وعناد فواز...ملاك إنصدمت وحاولت تخلي السالفه تعدي لكن بطريقتها هي،
ومر يومين على السالفه والجامعه مسويه ضجه،،،ساره بكت مدري وش على بالهم أنا جايه من الفضاء،،)

كنت قاعده بالكفتريا أنا وملاك وباقي الشله ،،،
وكالعاده إستهبال ودجه ومافيه أحد يمر من عندنا بسلام،،لازم نقط كلمه من هنا وتعليق من هناك،،وضحك بصوت عالي،،،
إنتهى البريك وكلن راح لمحاضرته،،ومن حظي ماكان عندي شي وملاك طنشت المحاضره،،،
ملاك: إلا سوير وش آخر الأخبار مع فواز؟
ساره:لا جديد هو لحاله وأنا بلحالي،
ملاك:غريبه،
ساره:وش الغريب.
ملاك:يعني معقوله مايحس بتأنيب الضمير.
ساره:ليش هو عنده إحساس أصلا!
ملاك:تصدقين ساره أنا لو مكانك أنتقم منه.
ساره: وش دعوه إنتقام مره وحده.
ملاك:إيه ليش لا
ساره: من جدك
ملاك:لا أصغر عيالك أستهبل معك.
ساره:خلاص صكي الموضوع.
ملاك:تدرين إني منتقمه من أهلي.
ساره:أوف ليش عسى ماشر!!
ملاك:أنا عايشه بجحيم معهم لكن خلاص لقيت اللي يريحني.
ساره: من؟؟؟
ملاك:واحد آآه ياساره وربي تقولين دكتور نفسي بس بدون شهاده...مخلص ثانوي وقاعد بالبيت لكنه شقردي وراعي مواقف.
ساره وهي مصعوقه: ملاك إنتي تكلمين شباب.
ملاك: لاتفهمين غلط...بس صداقه أشكيله ويشكي لي.
ساره:؟!!!صدمتيني.
ملاك: من جد الموضوع عادي ومايبغاله شي.دقة رقم وإنتهينا.
ساره:أقول إهجدي وش أبي فيه.
ملاك:لا أحمد خليه على جنب هذا حقي موب لأحد...عموما أرجع أقولك فواز أخوك ذا لازم تنتقمين منه ليش اللي سواه فيك بسيط..
ساره:ملاك بليز قفلي على الموضوع.
ملاك: أوكي بس أعيدي النظر.

هدى: وش تبي هذي وش كانت تقصد بإنتقمي من فواز!
ساره: هدى أنا ماكنت أعرف مصطلح الإنتقام بحياتي...لكن عقب كلام ملاك هذاك اليوم رجعت البيت وعلى طول صعدت غرفتي وقعدت أصيح وأتذكر كلمة ملاك<فواز دمر مستقبلك>> وكلما أتذكر أصيح بقوه وبلحظة ضعف تذكرت كلمتها<<إنتقمي من فواز><
طيب وش لون ؟؟!! هذا أخوي ولا أبي أضره...طول فترة الليل ماغفت لي عين ولاقدرت أنام
وعلى أحر من الجمر كنت أنتظر الصباح بس أبي أشوف ملاك وطبعا رحت للجامعه مواصله وميته تعب ..
أخيرا شفت ملاك بس ما قدرت أسولف أحس إني بعالم ثاني...
طلعت أنا وملاك نتمشى بحديقةالجامعه وتركنا الشله بالكفتريا...
ملاك: ساره وش فيك مو على بعضك اليوم.
ساره وهي مطنقره:ولا شي.
ملاك:ساره أنا صديقتك ليش ماتقولين لي.
ساره:أقولك خلاص مافيه شي.
ملاك :ثقي فيني وماراح تندمين.
ساره:لابس كنت أفكر بكلامك أمس.
ملاك:وش وصلتي له؟
ساره:ولا شي من جد تعبت ولا شي.
ملاك:ترى الموضوع مره بسيط.
ساره:كيف؟!من جد تراني إنهرت.
ملاك:قبل ماأتكلم أنا أحس إنك تعبانه وماراح تستوعبين لو ما هدئيتي.
ساره:أنا هادئه تكلمي بس.
ملاك:جربي كلمي أحمد،،،وربي لايعيد ترتيبك من الأول إلى الآخر.
ساره: مدري خايفه.
ملاك:بلا دلاخه وجربي وهو بيقولك وش تسوين مع فواز.
ساره: أول مره أسويها.
ملاك:قالوها قبلك واجد.
ساره:وش قصدك؟؟
ملاك <إختبصت وقعدت تصرف>: لا ياحياتي كنت أقصد إنهم خائفين بالبدايه ولما جربوا أعجبهم الموضوع.

فعلا بديت أكلم أحمد، وخالد،،محمد،، وفهد،،وتركي ،،وسلسلة العلاقات معاهم زادت ،،،أنا ماأنكر إني دخلت جو معاهم لكن دفعت الثمن غالي،،،
هدى وهي مصدومه: ساره إنتي تكلمين شباب؟
ساره: هدى هذا ولا شي بالنسبه للي راح تسمعين!!
هدى:وش باقي بعد،
ساره:مليتي!
هدى: لا بس قاعده أنفض من الخوف.
ساره:مني.
هدى: لا لا الموضوع يحمس بس خائفه أنصدم أكثر.
ساره: أسكت يعني.
هدى: لا لا فهمتيني غلط طيب وبعدين وش صار؟
ساره: صارت ملاك هي ذراعي اليمين وهي اللي تزيد معارف شبكةالدمار والرذيله ولا أزيدك من الشعر بيت هي اللي كانت تنسق من مواعيد الطلعه معهم.
هدى: مستحيل أصدق ساره تطلعين مع شباب!!
ساره وهي تصيح: ياهدى ماسمعتي شي للحين،، كنت أمارس معاهم أنواع الدعاره،،،يعني بنت وطالعه مع شباب على بالك بيخلونها..
هدى : ساره يعني إنتي مو......
ساره: لا أنا مو بنت.
هدى: ساره وش قاعده تقولين.
ساره:خليني أكمل المصيبه الأعظم.
هدى:وش باقي غير هالمصيبه اللي بحقك وحق أهلك...
كبر الخطاء ماكل عذر يغطيه،،
مثل التعازي ماترد المصيبه،،
ساره: هدى أدري إني وقحه بس إسمعي الأوقح.
هدى:كملي أشوف.
ساره:كانت ملاك العقل المدبر وأنا المنفذ وماخلينا شي ماسويناه...تطنيش محاضرات..دجه..حتى الدخان وشربناه..طلعات مع شباب وعالم ثاني من الضياع...وعشت حياة ثانيه من النسيان والتجاهل وعلى قولتهم بعت الدنيا..
إلين جاء ذاك اليوم اللي باعتني الدنيا فيه...

كنت أنا وملاك قاعدين في شقة تركي مع الشله أحمد وفهد وتركي ورغم هالقعده وكل شي موجود أحس داخلي شي ناقص..وسرحت بفكري شوي.
أحمد:الحلو وش فيه مو معنا؟
ساره:لا ولا شي.
أحمد:دخيل عيونك الحلوين شاركنا جوك،
ساره:أحمد خلاص قلنا لك مافيه شي.
أحمد:أنا فاهمك ياقلبي وأعرف وش تفكرين فيه.
ساره:ههههاي وش أفكر فيه ؟
أحمد:أكيد فيني!!
ساره:يلعن أبو الثقه اللي عندك هههه
أحمد:ههههه لا حبيت أضحكك.
ملاك:تركي وش قاعد تسوي؟!
تركي: لا حياتي ولا شي بس هذا نوع جديد من الدخان.
(فهد وأحمد يضحكون بصوت عالي)
ساره: لا من جد تركي وش ذا أنا بحياتي ما شفت دخان كذا!
تركي وبخبث:طيب جربيه التجربه خير برهان وتثبت لك إنه نوع مميز.
فهد وأحمد: يا أبو الشباب وش قاعد تقول وش ناوي عليه خلها بحالها لاتوصلها كذا..
تركي: محد له دخل واللي يفكر يدخل لا ألعن جدينه طيب.
ملاك:آه هالحين فهمت ... لايكون نفس البنادول اللي خبري خبرك.
تركي: عليك نور ولمبه مكسوره.. هذا هو بس طالع بستايل ثاني.
(الشله طبعا قامو يضحكون وأنا مثل الأطرش بالزفه)
ساره: وش فيكم وش هذا؟
ملاك:ساره أنا عن نفسي بجرب..وش بخسر يعني.
ساره: لا لا لا أنا ما أحب شي جديد مالبورو وكافي علي وبالتهريب.
تركي:ساره هو نفس نوعية مالبورو لكن صناعه يدويه...هذا أنا مسويه بنفسي ولو مالقيتي أحد يسويه ياسارونه إنتي هاتي الخلطه ولفيها بورقه ودخنيها..ترى والله ماهي صناعةصاروخ.
ساره بتردد:شوف تركي شي حلو أسويه بالبيت...لكن..لكن خايفه الخلطه اللي تقول عليها ما تكون عندي...
تركي: ياعيون تركي عادي لو ماتوفرت أرسلها لك مع ملاك للجامعه.
ملاك وفهد:جربي ترى ونااااأأاااااأااأسه.
أحمد: يدخلك جو ثاني.
كلهم بصوت واحد: تراه يدخلك عالم جناااااااااان.
وفعلا...
جربت وقاعدين يشجعون،،
أول مره تقيأت ومو قادره أتحمل شي وأحس زلزال برأسي من ا لصداع بعد ماخلصتها..
عقب ما خلصنا دجه ...رجعت للبيت وكان الوقت متأخر ..وما دريت إلا فواز على الباب يحتريني وطبعا ضربني ضرب لدرجة إني ماعاد أحس خلاص صار الوضع عادي...وهذيك الساعه تذكرت كلمة ملاك(إنتقمي من فواز)
وش لون مدري بس المهم أنتقم؟

في الجامعه..
كنت أنا وملاك قاعدين....وفجاءه حسيت جسمي ينمل وصداع فظيع،،وقشعريره نفضت جسمي وقعدت أصيح موقادره أتحمل،،
ساره: ملاك دخيل الله وديني البيت أحس بموت.
ملاك: وش فيك؟
ساره:مدري بس جسمي،،،آه رأسي آآآه شي موب عادي آآه.
ملاك:ساره هدئي ترى الموضوع عادي أكيد توه يطلع مفعول سيجارة تركي.
ساره: تركي...سيجارة.. آه وش دخلهم فيني.
ملاك:إنتي مو فاهمه شي.
ساره:ما أبي أفهم شي من جد أحس بمووووت
ملاك:لحظه سوير خوذي هالحبه مهدئه أنا مجربتها.
ساره:إنتي متأكده.
ملاك: إيه دايم أجربها أنا ماأخذتها من صيدليتي الخاصه.
ساره:أعطيني إياها بس أبي شي يوقف هالبلا اللي بجسمي.
(( للأسف أخذتها وأنا في وضع إنشل معاه تفكيري..وكانت سيجارة تركي وحبة ملاك بداية دخولي لطريق الإدمان..وبعدها آه دخلت عالمهم المجنون اللي قالوا عنه.
هدى وبصرخه قويه:إنتي مدمنه مستحيل أصدق...
لالا ساره تكفين وش قاعده تقولين؟؟؟!!
ساره:أدري بتقولين إني حقيره بس توك ماسمعتي الحقاره صح!
هدى:ليش خليتي فيها شي ينسمع..يالله يارب رحمتك.
ساره:لا تعذبيني أكثر..خليني أكمل القصة وأرتاح.
هدى: أنا عجزت أستوعب؟
ساره:هدى تصدقي علي لوجه الله وخليني أكمل؟
هدى وبنرفزه: كملي!
ساره: بعد مادخلت عالمهم المجنون..تدهورت حالتي النفسيه والصحيه وزودن على هذا عدت سنه ثالثه... وكنت على وشك إني أنطرد بس ربك ستر...
رغم كل هذا أحس فيه شي شيطاني ناقص ومسلسل هالمجون اللي أنا سويته ناقصه حلقه بس وش هي ماكنت أدري؟
وطبعا ملاكي المفكر...عفوا أقصد شيطاني الموسوس جتني ذاك اليوم وشافتني بحاله يرثى لها..
ملاك: سوير وش فيك؟
ساره: مدري بس أحس فيه شي أدور عنه مو قادره أعرفه أخ؟
ملاك:عااااااادي الدنيا تساهيل فكري وإذا لقيتيه قولي لي.
ساره:أنا لو أدري كان ما سألتك يادلخه؟
ملاك وبدهاء:خاطرك تنتقمين من أحد يعني!
ساره:إنتقام ماأتوقع،،،لكن تبين الصراحه الكلمه حلوه ولو بيديني أنتقم كان إنتي أول وحده أنتقم منها.
ملاك: أوف ليش وش المصيبه اللي سويتها.
ساره: أبد ما سويتي شي غير إنك دمرتي حياتي كلها.
ملاك: أقول لا يكثر وإنطقي أجل وش قولتك عن فواز اللي دمر مستقبلك وطموحاتك،، وش قولتك عنه اللي يصبحك بطق ويمسيك بطراقات سوى في وجهك مباني وعمارات..
ساره: أقول على تبن.
ملاك: ما يأكله غير اللي قاله.
طراااااااااخ
( لأول مره أواجه ملاك وأعطيتها كف على وجهها)
ملاك وهي مصدومه و بدموع تماسيح: ساره إنتي تمدين يدك على أعز صديقاتك.
ساره بعد ماتمالكت أعصابها: ملاك سوري وربي أنا مو على بعضي هاليومين.
ملاك:علشان كنت الصديقه اللي تواجه خويتها بالحقيقه زعلتي.هع هع هع=> تصيح
ساره: أسفه ملوكتي خلاص أسفه.
ملاك: هذي هي الحقيقه فواز هو اللي دمر مستقبلك.
ساره: تكفين تراني بحاله ما يعلم فيها إلا الله.
ملاك وبلعانه: إسمعي ساره إذا فيه أحد يستحق الإنتقام فهو فواز أخوك.
ساره:كيف.؟
ملاك: أنا أقولك بس أعطيني مهله أفكر!
ساره: أوكي بس أهم شي ما تضره لأنه مهما كان تراه أخوي.
ملاك:لا ياحياتي أفكر لك وأقول وش تسوين.
ساره: أوكي.

هدى: ساره من جدك خليتها تستغلك!
ساره: وهذا اللي صار إستغلتني السافله.
هدى:مستحيل أصدق!!
ساره: لاعادي صدقي لأن اللي بقوله هالحين أدهى وأمر.
هدى: إنتي وش لون عايشه للحين.
ساره: كافي ياهدي خليني أكمل وأفتك من هالهم.
هدى: وش صار بعدين؟
ساره: فعلا قدرت ملاك توصل للي تبي وأعطتني فكره كلها حقد ونجاسه.
هدى: إيش؟؟؟
ساره: كنت أنا وملاك قاعدين في زاويةالكفتريا ونتناقش إنه لازم نزيد عدد البنات اللي طيحناهم معنا،،،لأننا محتاجين لسيوله،
ساره: ملاك أنا قدرت أطيح ثنتين .
ملاك: مو كفايه حاولي تزيدين العدد مثل منتي عارفه سعر الحبوب هالأيام زايده علشان وقت الإمتحانات.
ساره: يا الله طيب أحمد وتركي موب زايدين العدد.
ملاك: إلا لكن حلو نبي واحد شوي سيولته قويه .
ساره: أنا مدري من وين أجيب لكم بصراحه أنا بديت أخاف لأن فواز بداء يراقب تصرفاتي وخاصه طلعاتي.
ملاك: أنا عندي فكره بس لاتصارخين..وإفتحي مخك مع إنه داريه ماعاد فيه مخ..وإستوعبي كلامي..ساره إنتي تبين فواز مايطقك..ولا يراقب تصرفاتك..ويعطيك الحريه تامه ولا بعد يوصلك لشقة تركي بسيارته.
ساره:ههههههههههههه
ملاك: وش فيك.
ساره: خلاص ههه بفطس من الضحك.
ملاك: أنا جد أتكلم.
ساره: فواز ما يمد يده علي لا لا ماأصدق أصلا أنا وجبته اليوميه.
ملاك: فكري يا مفهيه.
ساره: هههههههه الحمدالله والشكر لابعد وتبينه يوصلني لشقة تركي ههههه.
ملاك: ساره بلا مصخره أنا أتكلم من جد.
ساره:فهميني يالجاده وش لون بتصير هالمعجزه.
ملاك: بطريقه وحده!!
ساره: كيف؟
ملاك: عااادي تخلين فواز ينضم معنا ويصير هو الممؤل لنا.
ساره مصدومه: وش تقولين؟؟
(ولا شعوريا حذفت علبة السفن على وجه ملاك)
ملاك: إنتي وش بلاه عقلك كلما طنقرتي حذفتي شي علي،،،ليش على بالك إني زباله!!!
ساره:إنتي مو بس زباله،،إنتي حيوانه طيب.
ملاك وهي معصبه:وربي لأوريك الحيوانه كيف؟
ساره: وش برأسك يعني؟
ملاك: ما راح أسوي شي غير إني أتركك وشوفي حياتك كيف تكون بدون هالحيوانه..وربي لأخليك تحبين رجولي وتعرفين قيمة هالزباله وهالحيوانه اللي تقولين عنها.
ساره: اللي ماتقدرين عليه بيدينك واصليه برجولك فاهمه.
ملاك:عموما قبل ما أروح بذكرك بكلمه تراها أحلى فرصه تنتقمين فيها من فواز.
ساره:ضفي وجهك.
ملاك: بالطقاااااق بس إسمعي هالبيتين ياسوير،.،
والله لأخلي عزتك تحت ماطاي،،
تمشي وعينك ماتعدا مواطيك،،
أبيك درس لكل خاين ونساي،،
وافهمك قدرك وقيمةمباديك،،
والله لأهينك لين تبكي تبي رضاي،،
ذليل تكسر عين منهو يراعيك،،

رجعت البيت وأنا بحالة دمار شامل وقعدت أفكر طول الليل...فعلا وش راح أسوي من دون ملاك...وهي اللي مدبره كل أموري ومسهله علي الطلعات والجيات..
وقعدت أكابر وأقول خلها تولي عندي أحمد وتركي وفهد وغيرهم واجد..
وبلحظةضعف جاء في بالي فواز وإني أنتقم منه لأنه هو السبب إني وصلت لهالمرحله ...تجاهلت الفكره مره ثانيه...
أما ملاك نفذت اللي برأسها وبعدت عني وبالجامعه ماكنها تعرفني..أما تركي أدق على جواله ساحب علي..وكذلك باقي الشله إتفقوا علشان يضغطون علي.
طبعا أنا بدونهم ما أقدر أسوي شي خاصه إني صرت بإيدينهم..وماراح أحصل على حبوب بدونهم..
هدى: يعني بالضبط وش سويتي لايكون رجعتي لملاك؟
ساره: هذا بالضبط اللي صار.
هدى:مو معقوله.
ساره:إلا معقول لوحده إنمسح العقل من رأسها نهائي وصارت لعبه بيدينهم و كرامتها إنمسح فيها الأرض.
هدى:أكيد ملاك إنبسطت يوم شافتك؟
ساره:ليش تنبسط وهي متوقعه هالشي بيصير؟
هدى:طيب ملاك وش قالت يوم شافتك.
رحت وإعتذرت لها.
ساره: ملاك سوري بس الموضوع اللي قلتيه محد يتحمله.
ملاك: ليش جايه؟
ساره: لأني أبيك.
ملاك: لا لأنك محتاجه لي.
ساره:تكفين خلاص ماتفرق.
ملاك:إلا تفرق إنتي محتاجه لي ياحيوانه.
ساره: ملاك ليش أسلوبك معي كذا؟
ملاك:علشان تعرفين تمسكين نفسك ولاتغلطين.
ساره:لا تذليني.
ملاك: هو أصلا باقي فيك شي أذله.
ساره:ملاك خلاص.
ملاك: كيفك بس أنا بغيت مصلحتك.
ساره:أفكر في الموضوع بس أعطيني حبه.
ملاك: مو إنتي اللي تحددين متى أعطيك،،،أنا إذا شفت حالتك عطيتك..وعلى فكره كلما زادت نسبة البنات اللي تجيبنهم زادت نسبتك في الحبوب ورخصنا لك...
ساره: أوكي أحاول.
ملاك: إسمعي الليله الشباب يبغونك.
ساره: وش يبون بعد !
ملاك: بالله عليك وش يبون بعد غير اللي إنتي متعوده عليه.
ساره:من جد مالي خلق..ونفسيتي زفت..وفواز....
ملاك:ياذا الفواز اللي يرفع الضغط.
ساره: وش تبيني أسوي فيه.
ملاك:عااااادي إنتقمي كلها حبه ويصير من قروبنا.
ساره:صعبه فواز ماينلعب على رأسه.
ملاك:إنتي وافقي وراح يكون الموضوع تساهيل.
ساره:أنا خايفه.
ملاك:شعور طبيعي إنك تخافين إنتي دايم خايفه من فواز هالمره أوقفي بوجهه.
ساره:بس هذا فواز.
ملاك: وخير ياطير..فواز وفواز..هذا فواز دمر كل حلم حلمتيه...والوضع اللي وصلتي له كله بسبة فواز...فواز مانفعك غير إنه دمر ساره.
ساره: مدري خلاص بروح للمحاضره.

طبعا طول وقت المحاضره والفكره سيطرت على رأسي وإستحوذ بليس على تفكيري..
حاولت وحاولت لكن ما قدرت أنساها....وقلت في نفسي أنتقم وأخذ حريتي ليش لا..
وبلحظة خيانه تجاهلت فيهانفسي وأهلي والناس اللي يحبوني.
هدى: ليش وش سويتي!!
ساره: سيطرت الفكره برأسي وقعدت أقيسها طول بعرض...
كيف أخلي فواز أخوي مدمن مخدرات؟
هدى:أها
ساره:بدهاء ثعلب قررت إني أقول لأبوي يعزم فواز وأهله عندنا يوم الخميس...
وصار اللي بغيت ومزاجي روقته على الأخير...
جاء فواز وأهله ،،،وقعدت أرحب فيهم.
فواز: لا الدنيا بخير ساره راضيه علينا.
ساره:وش دعوه هو أنا عندي غير فواز أخوي حبيبي.
فواز ووجهه مليان تعجب: لالا بديت أشك فعلا إني مغلط بالعنوان.
ساره: لا بالعكس بس أنا مروقه اليوم.
فواز:دوم يارب.
والد ساره:سوير الله يحفظها دايم حليوه.
ساره:الله يحفظك يبه.
والد ساره:يابوك هاتي شي نحلي فيه مع القهوه.
ساره:يبه وش دراك إني مسويه تمريه بحياتك ماذقت مثلها.
فواز:الظاهر إن اليوم من جد صاير شي ساره المصرقعه مسويه لنا شي والله عجايب.
ساره:إنتظرو شوي.
(( أنا رحت للمطبخ وكنت مجهزه ماده دوائيه من عند العطار وهي تستخدم لتنظيف البطن عن طريق التقيؤ وطبعا يوخذ شي بسيط جدا لأنها سامه،،،حطيت منها شوي بالتمر اللي بصحن فواز ،،وأبوي حطيت عنده صحن ثاني علشان مايشكون بالتمر ورحت وحطيته عندهم))
والد ساره:تسلمين الله يفرحني بتخرجك،
ساره:آمين=>و أنا عارفه إني ماراح أتخرج.
فواز:الله حركتات منين طلع هالشغل خلاص سوير بنزوجك فصيل علشان تسوين له تمريه مسكين متكسره سنونه .ههههه
ساره:ههه
(أنا كنت أطالع فواز وقلبي ينفض من الخوف...وأول مابلعها شوي وقام يتقياء...وراح للحمام وتعب من كثر ما تقياء وتروعوا أهلي مايدرون وش حالته)
فواز وهو تعبان :لا يبه يمكنه تلبد بالمعده.
(الزبده صدع من كثر ما تقياء)
وبهاللحظه طلعت لي فرصه.
ساره: فواز خذ هالحبه.
فواز: وش ذي؟؟
ساره وهي ترتعد:توقف التقيؤ وتساعد على تسهيل الهضم.
فواز وبنظرات متشككه:من وين جبتيها؟
ساره: عادي أم عبدالله جارتنا نصحتني فيها يوم تعبت ذاك اليوم إذا تذكر!
فواز:طيب وش فيك ترتعدين.
ساره:لأن ياقلبي أول مره أشوفك كذا!
فواز:هاتي ماء بسرعه.
ساره:أبشر.
فواز: تسلمين يابعدهم.
(هو قال كذا بغيت أموت...تمنيت أصرخ وأقول لا يافواز..بس بعد إيش بعد ماأكلها)
فواز: آه أحس إني مره تعبان بروح أرتاح شوي.
(فواز نام الليل كله إلى بكرا من الليل صك حوالي 12 ساعه نوم ...وأنا حالتي حاله من الرعب)
فجاءه **
ترن،،ترن،،ترن
ساره: ألوا من؟
فواز: هلا سوير،
ساره:ف،ف،ف،فواز،
فواز:لا ولد عمه ههه إيه معك فواز،،وش فيه صوتك كذ؟
ساره:لا تعبانه،
فواز:دقيت أقولك والله إنك تصلحين طبيبه ههههه حبوبك مره ريحتني،
ساره مصعوقه:ما قلت لك يافواز لو إنك مخليني أدخل طب،
فواز:إهجدي عاد عطيناك وجه وإنتي خلاص مابقى إلا سنتين وتخرجين،،،إلا بغيت اسألك أم عبدالله من وين جابت الحبوب؟
ساره بإنفعال: لا لا لا أنا أجيبهم لك،
فواز:من وين؟
ساره:قصدي أدق على أم عبدالله وأقولك،
فواز:إيه سارون بالله شوفي من وين جابتهم ،،مره يسكنون الألم،
ساره:حتى انا راح يسكنون ألمي على طول،
فواز:وش تهذرين فيه.
ساره:ولا شي خبرك الإمتحانات على الأبواب وبديت أهلوس،
فواز:ههههه الله لايديم هالحاله،
ساره:ماظنتي،
فواز:أنا لو بطول دقيقتين راح أصير فاصل مثلك،
طرااااااااااااأاأخ
،،،قفل السماعه،،،

،،،،بالجامعه،،،
ساره:ملاك إلحقي شوفي المصيبه اللي سويت،
ملاك:وش؟
ساره:تعالي بسرعه ندور مكان فاضي وأقولك،
ملاك:يمممممماه خوفتيني.
ساره:إنتي تبن تخافين من شي.
ملاك:ليش وش قالوا لك عني.
ساره:إسمعي المصيبه اللي سويت.
ملاك:هاتي وش صار؟
ساره:،،،،،،،،،،،،،،،،، وهذا كل اللي صار لي أمس مع فواز،
ملاك: يالبى عيونك توني أدري إنك شقرديه وراعيةمواقف،،هذا السنع،،
ساره:من جدك تكلمين؟
ملاك:عادي ياغبيه بلا تناحه ترى هذا أحسن شي سويتيه،
ساره:الله يستر،
ملاك:عادي الدنيا تسااااااهيل.
ساره:طيري ياشيخه وش قال قال تساهيل.أنا من عرفتك وأنا أشوفها تتعقد.
ملاك:هههه بكرا تشوفين وتقولين ملاك قالت،،،بتنفتح بوجهك من كل جهه.
ساره: قابليني هذا وجهي.

رجعت للبيت وأسمع أمي تصارخ وحالتها حاله،،
ساره: يمه وش صاير؟
الوالده: يايمه فواز يضرب بنفسه الجدار مدري وش فيه؟
ساره وهي تحس إنه أخر يوم في عمرها:فواز وش فيك؟
فواز:أخ تكفين بموت،
ساره :وش تبي؟
فواز:تكفين أعطيني مسكن.
ساره:لكن؟؟
فواز:بسرعه إلحقيني.
ساره وهي مرتبكه:طيب دقيقه.
فواز بصراخ:بسرعه جعل عظامك للكسر.
ساره: خذ.
فواز: آه آه أحس إني أبي أموت من التعب.
(بعدها رحت لغرفتي وأنا منهاره من الصياح..)
(بس تذكرت إني قاعده أنتقم ولازم أواصل ...لابعد أقنعت نفسي إني لازم أستلذ بهذا الإنتقام.)
وفعلا صرت أشوف فواز مدمن..وأنا اللي أبيع له،،،وتدهورت حالته وصحته،،،يسهر ثلاث أيام وينام عشره،،
وبالنهايه وصلت حالته إن فواز المحترم العاقل إنطرد من وظيفته وصارت بينه وبين زوجته مشاكل لإنها مسكينه عجزت تتحمل وضعه وطلبت الطلاق،،،،كل هذا وأنا أطالع وأقول تستاهل دمرت مستقبلي وأنا بدمر مستقبلك،،
فواز وصل لمرحله ماعاد أحد يقدر يتحمله وصرت أضطر أسرق علشان أمؤول لنا فلوس..
((هنا ساره وقفت عن سرد القصه وقعدت تصيح قطعت نفسها من الصياح
طبعا هدى مصدومه من الكلام اللي قاعده تسمع:
هدى:معقوله وصلت فيك كذا ؟
ساره وهي تصيح:بعد ماتردت حالة فواز وتوهقت،،،خليت فواز يتعرف على الشله عن طريق ملاك،،،آه وياللأسف كنت حقيره وإنسانه بدون إنسانيه ولارحمه،،،من وقاحتي كنت أمارس الدعاره مع الشله وفواز يناظر ومسكين كان يضحك بدون وعي ولايدري وش الدنيا عليه،،
يالله يا إني كنت حيوانه،،،ذليته ذل بحياته ماإنذله،،ياناس ذليت أخوي وهو اللي كان دايم يمشي رافع رأسه،،،وكنت هذيك اللحظات أستمتع وأقول شوف يافواز شوف تركي وش قاعد يسوي فيني ،،تقدر تسوي شي،،
فواز يضحك بدون وعي: وينك ياملاك،
ساره:شوف يافواز كيف أهنتك قدامهم ووطيت رأسك:،،،هذا هو العار،شفت كيف جبت لك العار،

هدى بعصبيه: إنتي نذله وحقيره،
ساره:تعلميني أدري والله أدري،
هدى:ياشيخه لو من باب الرحمه على حالته،
ساره:لا تلوميني أنا تحولت لشيطان،وكله بسبابيب هالخونه اللي عرفتهم،
ضيعوني دمروني حسبي الله عليهم،،
دمروني ورحلوا وعن شعوري ماسألوا مايخافون من الله،،
حسبي ا لله عليهم،،
إفهموني وإستغلوني آه حسبي الله عليهم،،
آه وش بقى فيني آه وش بقى والزمن مافرقى،،
آه بس ياليت ماكان اللقاء،،
هدى:حسبي الله ونعم الوكيل،
ساره:هدى أكملك ،،،
مرت الأيام وصرت أشوف وضع فواز يتدهور من سؤ إلى أسوا وصار يتطاول على أمي وأبوي اللي مايستاهلون إلا كل خير،،
هدى:بدري عليك توك تحسين عندك أب وأم تفكرين فيهم،
ساره:مابقى من القصه إلا القيل تحمليني؟
هدى:طيب وش صار؟
ساره:مره رجعت من الجامعه وسمعت صراخ أخوي الصغير،،،رحت أركض أبي أشوف وش السالفه،،،إلا هذا
أبوي طايح مرتفع الضغط عنده وهو من أول عنده سكر،،،
دقيت على الإسعاف ووديناه للمستشفى وحذرنا الدكتور إننا ننتبه لصحته و مانحاول نضايقه بشي لأن صحته في خطر،،
دخلت على أبوي وحبيت رأسه،،
ساره:الحمدالله على السلامه،
الوالد:الله يسلمك،
ساره:يبه ترى الدنيا ماتستاهل لاتزعل نفسك،
الوالد:يابنتي والله الضيقه ماترحم،
ساره:ياروح ساره إنت قلي وش مضايقك،
الوالد:يابنتي ماتشوفين وضع فواز كيف تدهور وحالته تقطع القلب،
ساره بصمت وجرح مؤلم: يبه الله يهديك إنت مكبر الموضوع،،تلقاه متضايق علشان زوجته وعياله يحط الحره فيننا،
الوالد:طيب سوير وظيفته وصحته وطولة لسانه معي،
ساره بدموع:لا تفكر يالغالي أهم شي صحتك،
الوالد:سوير إنتبهي لأمك وخواتك أنا معتمد على الله ثم عليك،،،إنتي بنتي وتربيتي،
(هو بس قال كذا أنا إنفجرت من الصياح،،،أنا حيل متعلقه في أبوي بشكل كبير،،ولو صار فيه شي مدري وش أسوي،، لكن الحمدالله طلع أبوي ومرت الأيام بهدؤ،،،أما فواز حالته حاله،،،ماعاد له وجود ولاحتى هيبه،،إنكسر جناحه ،،وإنهارت كل ذرة رجوله فيه وأنا السبب،

في فجر يوم الخميس الجو كان مره حلو ،،ونزلت أسوي لي قهوه،،طبعا كنت مواصله والترم الأول قرب على نهايته ولازم على الأقل أحضر نفسي للإمتحان،،،
وأنا في المطبخ أسمع صوت واحد قاعد يمشي شوي شوي ويهمس بصوت مره واطي،،،،
طليت من ورى الباب وما دريت إلا هذا فواز صاعد فوق،،قلت في نفسي(لا حول وش فيه هذا قاعد هالوقت،،،بتبعه وأشوف وين يروح،،قعدت أتبعه،،المهم فواز صعد فوق وإتجه لأخر غرفه على اليمين،،
وقعد يتلفت يبي يشوف أحد شايفه أو لا،،بعدين دخل الغرفه أنا إنصدمت وش يسوي فواز بغرفه الخدامه ،،أوف وصلت فيه كذا،،
المهم دقايق إلا أسمع صفق الباب،،،هذا أبوي جاي من المسجد،،أنا إرتبكت وش لون لو درى إن فواز داخل،،حتى مايمديني أنبه فواز،،مافيه وقت وصعدت على طول عند الدرج اللي يودي للسطح علشان ما يشوفني أبوي،،
قلبي يدق أحس بيصير فيلم رعب،،
أبوي إتجه لغرفته وأنا أقول يالله يارب عدها على خير،،،
شوي إلا أبوي راجع خطوتين وحاول يدور مصدر صوت الضحك،،على طول فتح الباب آه وشاف فواز مع الخدامه بوضع دنئي ،،أبوي هنا من زود الصدمه قال لفواز: وصلت فيك إلى كذا ،،روح الله لايسامحك دنيا وآخره،،
،
،
(ساره توقفت وإنهارت بالبكاء المتواصل)
هدى: ساره وش فيك تعوذي من بليس؟
(ساره وبدون ولا كلمه قعدت تزيد بالصياح وكأنه من سنين مابكت)
هدى: ساره إذا تعبانه خلاص تكملين السالفه بعدين!
ساره بعد ماخذت نفس: لا لا أكمل لك،،
أبوي من قال هالكلمه لفواز طاح وماتحرك،،وأخذناه للمستشفى ،،
آه جاء الدكتور وقال الوالد جته سكته دماغيه بسبب إرتفاع ضغط الدم ،،وبصراحه الله يصبركم ويعظم أجركم ولله ما أعطى ولله ماأخذ،،أبوكم توفى
،،الموت ماهو لاتكفنت بتراب،،
الموت لا فارقت حي تحبه،،
قعدت أصرخ بدون شعور وأقول أنا السبب،،
فواز أغمي عليه وماعاد يقوى يتحمل شي لأنه ماعاد ذاك الرجل الشقردي اللي يواجه المصايب،،
آه أمي وأخواني الصغار بحاله يرثى لها،
هدى:الله يرحمه و يغفر له.
ساره:أنا حقيره أنا السبب.
هدى:تعوذي من إبليس وش دخلك هذا قضاءوقدر.
ساره:أنا دمرت حياتي وحياة أخوي وقضيت على أبوي أنا شيطانه تجردت من الإنسانيه.
هدى:ساره قادره تكملين أو لا.
ساره:وفاة أبوي كان كف على وجهي علشان أفوق من حياة الدشاره..أنا عشت بجحيم بعد وفاةأبوي أكثر من العذاب اللي مبتليني...هذا أبوي سند حياتي أصلا وجوده كافي مالي الدنيا علي،،
ياهدى آآه فاهمه وش معنى أبوي مات!!
عجزت أنا ياأبوي بالصوت أعزيك،،
تخنقني العبره وجفت دموعي،،
لو البكاء يرجعك ياأبوي لأبكيك،،
لاشك درب الموت مابه رجوعي،،
لو الدمع ياأبوي لو سال يبقيك،،
لأذرف كثير الدمع طول أسبوعي،،
الله يبيحك كل ماحل طاريك،،
ويرحمك ربي في نهارن يروعي،،
عزيز في ربعك حنون بأهاليك،،
كريم بضيوفك ولو هم جموعي،

آه مات أبوي وهو زعلان على فواز وأنا السبب،،
واللي صار لي بعد وفاة أبوي تدهورت حالتي وماعاد أبي أشوف أحد ولا أبي أحد،،،
آه وينك يبه،،
عفت هذا العمربعدك،،
عفت درب مايجيبك،،
عفت عالم ماتحكمه عيونك،،
وينك يافرح يومي وأمسي،،
وينك يادفى صوتي و همسي،،
آه وينك يبه،،
عفت الدنيا كلها و قطعت الشله فتره وصرت كأني جنازه لا أكل ولا أشرب ،،ملاك تتصل ولا أرد وفهد وتركي أحرقوا علي التيلفون لكن لاحياة لمن تنادي،،
وإلين جاء ذاك اليوم وحاولت أتوقف عن الإدمان،،طبعا خلصت الحبوب اللي عندي وقررت أمنع نفسي ،،حاولت لكن ماقدرت،،زاد الألم والعذاب لكن ماقدرت صابتني حمى وقشعريره وقعدت أضرب بنفسي الجدران،،حاولت لكن ماقدرت،،على طول رحت لملاك،،
ساره:ملاك تكفين إلحقيني.
ملاك:ساره وش فيك وينك ماتردين علينا.
ساره:بعدين المهم أبي حبه.
ملاك:أنا خلصوا من عندي خلينا نروح للشقه نأخذ من عند الشباب..
فعلا إتجهنا لشقة تركي..
وحنا عند الباب نسمع صراخ فهد وسب وشتم..
دخلنا وياليتنا مادخلنا...ملاك من شافت الجثه قدامها أغمى عليها..
أنا إنصدمت وأحس إنشليت ولا قدرت أتحرك ودموعي لاشعوريا تطلع...
يا الله من كثر الدم مو قادره أميز من هو..!!
وقعدت أصرخ هذا تركي !!
من ذبح تركي!!
فواز وفهد وأحمد كانوا ساكتين!!
أحمد بصراخ:ساره خوذي ملاك وروحي على البيت بسرعه قبل مايجون الشرطه .
ساره:ماراح أطلع إلا وعارفه وش صاير.
أحمد:ساره لوجت الشرطه وإنتم هنا مالكم طلعه إلا على السجن.
(أحمد يوم قال كذا أنا قعدت أنفض...سجن أخر مكان توقعته بحياتي..)
فواز:ساره روحي بسرعه على البيت فهد ذبح تركي.
ساره:طيب ليش؟
أحمد:خلاف بينهم.
أخذت ملاك وحنا مثل المجانين أصلا ماعاد فينا عقول

[/size]

[size=16]جت الشرطه وسحبتهم وعرفنا ليش أحمد جنبنا المشاكل مع الشرطه لأنه كان خايف يصير شي على خواته من إنتقام أخوان ملاك.(زين طلع عنده شيمه)

وبالنهايه بما إنه تم الحكم على فهد بالإعدام..النذل قال لازم أدمر كل الشله بما إني ميت ميت..راح الواطي الله لايسامحه وإتصل في أمي وقال لها على كل شي...آه والمسكينه من الصاعقه اللي نزلت على رأسها جاءها شلل نصفي..يارب سامحني...أحمد وفواز حكم عليهم سجن سنتين على ذمة التحقيق لأن عليهم قضية تعاطي وإشتباه بهم بمقتل تركي..
هدى:طيب ساره وأمك وش سوت لك؟؟
ساره:آه وأنا وش حارق قلبي ومعذبني غير أمي الله يشفيها.
هدى:مسكينه ما تستاهل اللي جاءها.
ساره: أنا ماقلت لك إني مجرمه دمرت حياتي وحياة أهلي كلهم ودمرت بنات واجد آه.
هدى:طيب وش لون جيتي عندنا هنا بالجامعه.
ساره:بعد ماإنشلت الوالده ..أصر عمي إننا ننتقل عنده في الشرقيه لأن ماعندنا أحد..وظروفنا صارت زفت..
هدى:طيب ملاك وش صار عليها؟
ساره:تقصدين الشيطان بصورة ملاك..الله لايوفقها هذي هي قاعده تمارس الرذيله..ومستمره بدمارها تمشي وتدمر من البنات وتسحبهم للشقق..والناس اللي مثلها واجد يجون في قمة البراءه وهم قلوبهم كلها سم وحقد.
هدى:معقوله هالإنسانه ماتابت؟
ساره:لأنها حقيره..تشبع دمها بالفساد ومريضه نفسيا حاقده على المجتمع..على بالها إن السعاده بالحريه..وللأسف إنها فاهمه الحريه غلط.
هدى:الله يكفينا شر هالبنت.
ساره:وربي إني أدعي عليهاليل ونهار.
هدى:أمك وش أخبارها معك؟
ساره: ياهدى حتى ماتحط عينها في عيني.. ولا جيت بساعدها ترفض وتخلي الشغاله تساعدها و لا أزيدك علم بكل ركعه تدعي علي.
هدى:أعوذ بالله:..لكن رب العالمين يسامح ويغفر.
ساره:آه ياهدى هذي هي قصتي وذبحني الكتمان وماعدت الآقي بضحكتي شي يفرح..أنا ما أستحق أعيش.
هدى:لاتقولين كذا مع الدعاء تنفرج أمورك.
ساره:هدى ماراح أنسى جميلك هذا أبد.
هدى:ماسويت شي
ساره:بحد ذاته إنك سمعتيني خفف عني...أنا أدري إني طحت من عينك وأدري إنك إقتنعتي بأني أكبرمجرمه بهالجامعه.
هدى:أمممم بالعكس العبره بالنهايه إنك تبتي ويكفي إني أشوفك إنسانه ثانيه غير اللي قلتي.
ساره: هدى مابقى شي على الطلعه بس ممكن طلب.
هدى:أبشري.
ساره:ممكن تعطيني عنوان بيتكم.
هدى:بيتنا!!!ليش؟؟
ساره:أدري إنك خايفه مني عقب كل اللي قلته.
هدى:لا موب قصد بس
ساره: خلاص إنسي الموضوع..
هدى:أعطيني ورقه وقلم.
وأعطيتها عنواني وإلى هنا إنتهت جلستي مع ساره وكانت أول وآخر قعده وبكمل لكم وش صار عقبها..
بعد قعدتي مع ساره رجعت للبيت ومانيب قادره أنام..أفكر باللي صار اليوم مع ساره..
شلتي ذبحوني بالإتصال يبون يعرفون وش صار!!
ترن،ترن،ترن
هدى:الوا
شعوله:هلا بالطش والرش والبيض اللي توه ماتفقش.
هدى بصوت بارد:شعوله من جد ماأقدر أطول عليك.
شعوله:ليه لايكون هالطاووسه سوت لك شي ..والله لأقطع شوشته وأمشخ وجهه وأمصع رقبته اللي ماتستحي.
هدى:خلاص لاتقولين شي البنت عسل.
شعوله: عسل ..ياعل عيونتس للفقع والله إنها بصل.
هدى:مشاعل ترى البنت غاليه علي.
شعوله:الله أكبر مسحت عقلك.
طراااااخ
(ماقدرت أتحمل رجة مشاعل فصكيت بوجهها)

إنتظرت الصباح بفارغ الصبر..مدري ليش كنت أحس مشتاقه لساره وبقوه!
كنت قاعده بالقاعه وأطالع الرايح والجاي وعيوني إنحولت من كثرما أتلفت..
مرايم: هدى بسك خلاص وش فيك قاعده تسوين مسح شامل على هالعالم.
أشواق: أنا متأكده إنك تدورين أحد.
هدى: لا وش دعوه مافيه أحد يهمني بالجامعه.
مشاعل: أقول بلا هياط ..إيه أكيد تدورين على سوير اللي مايعجبه أحد وعلى باله إن الناس متسدحين عنده.
خلود: يماه هالغموض اللي فيها يخوفني يمممماه كلما أتذكرها أرتعد.
مرايم: ماعاد إلا هاذي هدى وتفكر بأحد ولا في مين بسوير مستحيل الله لايبلانا.
هدى: بنات خلاص إسكتوا إيه بصراحه ساره دخلت قلبي وأحسها مثل أختي وأحس أعرفها من زمان.
طبعا جتني إنتقادات من الشله وزعلوا علي...و تجاهلت كلامهم تمام وركزت تفكيري بس أدور على ساره.
اليوم كله مر وأنا ماشفت فيه ساره بس ليش ياترى غايبه ورجعت للبيت أفكر فيها وندمت إني ماأخذت رقمها..
كل صبح كنت أنتظرها بفارغ الصبر وقعدت على هالحال إسبوع ومن جد توترت وبديت أحاتي ساره.
إلين ذاك اليوم اللي كنت أنا والشله قاعدين بالكفتريا..
مريم:وش فيك ياهدى هالأسبوع موب على بعضك؟
شعوله:إيه هي من قعدت مع هالمعقده وهي صارت مستلجه.
خلود:وش فيكم خلاص.
أشواق:إلا بنات بغيت اسألكم هالحين وش هو مكياج ريم من جد طالعه اليوم جنان ودي أسألها بس مستحيه.
الشله قعدوا يضحكون أما أنا مو مع الناس (يالله ساره وحشتني أبي أدري وش سوت)
.دقايق إلا هذي ساره مع بنات داخلين للكفتريا..
(بدون شعور فزيت يوم شفتها داخله)
وإحنا طالعين مريت من عندها
هدى:عسى ماشر ليه الغياب.
ساره:الشر مايجيك..لا بس ظروف.
هدى :قعدت أحاتيك.
ساره:تسلمين.
هدى:تصدقين تمنيت لورقمك معي قلت من باب أتطمن عليك..
ساره:أوكي خوذي رقمي.
وفعلا أعطتني رقمها وأحس فيها شي لكن ماقدرت أسألها إستحيت من اللي معها.
واللي كان يقهرني إنها قاعده تكابر بمشاعرها إتجاهي وحتى ماتعطيني أي إهتمام..حتى إتصالات ماتدق..إلين جاني ذاك المسج منها على قد ما فرحت بإسمها على قد ماتنرفزت..
مسج ساره كان:
كلن تمنى في حياته أماني...
وأنا أتمنى أمنيه إني أموت...
مظلوم في دنيا الله بلاني...
عايش ولكن عايش إنسان مكبوت...
عايش يتيم ماعرفت الأماني...
غصب علي أنا أقبل الظلم بسكات...
حرة طوت قلبي وحزن طواني..
الموت أرحم من حياتي أعاني..
ولاأظن فيه أحد أرحم علي من الموت.
ياسعد قلبي كان موتي لفاني..
يازينها لاصار جسمي بتابوت..
يارب حقق لي هالأماني..

وكان ردي عليها بمسج:
ما ألوم قلبي لو رسى في موانيك...
أو سالت الدمعه لوصلك تنادي..
الطيب ورد منبعه في أراضيك... والسعد شوفك يابعد هالناسي..
أدعي عسى المولى يحفظك ويبقيك..
ياأغلى مخلوق سكن في فؤادي..

بكرا كان السبت وأنا ماعندي محاضرات لكن تحمست أروح بس علشان أبي أشوف ساره وأشوف سالفة غياباتها..رغم كل اللي عرفته عنها أحس تمسكت فيها ونسيت ماضيها كله لأني حبيت دموع التوبه وصدق نيتها،،حسيت قلبها يبي يطهر من جديد،،وتمسكت فيها بقوه،،
المهم يوم الأحد أكلمها ماترد...أرسل لها وماترد..ياناس أحرقت جوالها وساحبه علي..رحت أرسلت لها هالمسج:
الوفاء طبعي ولاأحب الوداع
لاتوادعني وتتركني حزين
الحزن مكتوب والفرقه ضياع
والدمع سكاب والضحكه ونين
مد لي يمناك لاتطري الوداع
من سمع قله على مر السنين
عمري اللي ضاع من شانك يباع
أرخص أيامي ولا أشوفك حزين
،،
ردت ساره بمسج .
لاتحسب إني إذا أبطيت ناسيك
ماينسى عشرة صاحبه غير الأنذال
حدتني ظروفي على البعد لاجيك
هم بوسط القلب والدمع همال
وألا إنت ياكل الغلا أفتخر فيك
وحبك سكن داخل فؤادي ولا زال

بعد هالمسج ساره قطعت أصلا ماكان بيننا إلا هالمسجين هذي ،، بعدها طنشتني ساره وإحترقت أعصابي وأنا قاعده أحاتي لايكون صاير فيها شي..ومرات أقول وش اللي دافعني إني أتواصل وأسأل عنها وهي موب معبرتني..
في يوم الأربعاء دق جرس بيتنا وكانت حوالي الساعه 10 بالليل...
هدى:من هذا اللي جاي بهالوقت..ماريا روحي شوفي من عند الباب.
السواق:أنا ميراج سواق ساره.
هدى:وش يبي هذا؟ ماريا إفتحي الباب.
أثري ساره كانت مرسله لي صندوق...بصراحه طرت من الفرحه أخيرا ساره تذكرتني...لكن آه يوم شفته تقطع قلبي من الحزن،،،
آه كان فيه دفاتر ساره ومذكراتها بعد ما إنتقلت للشرقيه وكان على الصندوق ورقه ساره كاتبه فيها،،،
إليك هدى
أجمل التحايا،،وأرق الهمسات ،،
أجل لقد أحببتك ،،أحببتك أختا،،وشعرت ببراءةعيناك تسري في أضلعي،،عفويتك وطهارةقلبك جعلتني أحبك،،
وأبوح لك بقصتي،،عشقت كبرياءك وعزةنفسك،،أحببت شخصيتك القويه،،
آه هدى تمنيت لوأني عرفتك قبل سنتين حتى أجعلك صديقتي المقربه،،ولكن الآن فات الأوان،،
لذلك هدى أصرح لك بحبي الصادق ،،وأتمنى أن يجمعني الله بك تحت منبر من نور،،
هدى أرسلت لك أوراقي من مذكراتي،،إن شئتي فإحتفظي بها وإن لم ترغبي بها مزقيها ومزقي كل ذكرى عني،،
ولكن طلبي الوحيد أن يعرف الكل قصتي ،،لعل فواز يقراء ذات يوم تلك الرساله التي وجهتها له،،
إعتبريها أمانه أوصيك بها ،،
دمتي بحفظ الله،،
ساره التي أحبتك بعمق،،
&
&
أنا إنصدمت بعد ما قرأت هالورقه ،،وش تقصد ساره ،،
إتصلت عليها ،،وحاولت أدق وأحصل تيلفونها مغلق،،
إنتظرت إلى بكرا وقلبت الجامعه عليها،،،ومافيه أحد يعرفها إلا وسألته ،،ومر يومين محد داري عنها،،وبعد ثالث يوم ما قدرت أتحمل ورحت بيتهم على العصر،،وأشوف زحمة سيارات وناس داخله وناس طالعه،،وتوقعت عمها مسوي عزيمه،،والصدمه اللي طيحتني من طولي طلعت هذي موب عزيمه آه كان عزا ساره،،،
دخلت وأنا مصعوقه وأصرخ وش لون ساره توفت،! كانت معي!!
تكفون لاتقولون ساره توفت!
وقعدت أصرخ ساره دخيل الله لاتخليني،،ساره لا تروحين بهالسهوله،،وقتها تمنيت إني لو مستغله كل لحظه مع ساره،،وأساعدها،،بس فات الآوان،،ساره خلاص ماتت وماعاد حروفي تنفع وحتى مشاعري اللي حاولت أخبيها عن ساره ماعاد لها فايده،،

بنيت للأحزان من عقب فرقاك،،
قصر طويل خالد في حشايا،،
وطفيت شمعات الأمل في ملاقاك،،
والله بموت (ساره)يجبر عزايا،،
مات الأمل والقلب عامر بذكراك،،
ماعاد أميز ضحكتي من بكايا،،
،،،
سافر حبيبي ومابقى غير تذكار،،
تذكار عين للمحبه سهيره،،،
سافر وقلبي من عنا البعد صبار،،
مبعد عن عيوني وقلبي يديره،،
أجامل الضحكه وقلبي على نار،،
والجمر في جوفي تزايد لهيبه،،
،
الليالي مدت كفوف الهدايا،،
كف جرح وكف مايرحم خويه،،
تدري الأيام ياساره في بعدك سوت سوايا،،
وإن كان حبك عيب آه ياحلو الخطايا،،

وبعد مرور سنه من وفاة ساره ،،كانت نفسيتي زفت ،،وصرت أتخيلها بكل مكان،،آه هذاك هو الكفترياء وهذيك طاولتها،،وهذا السيب اللي تصادمنا فيه،،هذيك قاعتنا وهناك ضحكاتنا،،كل شي بالجامعه يذكرني فيها،،حتى المكتبه تذكرني بالنظرات الصامته بيننا،،،وحديقةالجامعه المكان اللي جمع قلوبنا كان أول مكان كشفت ساره فيه أوراقها،،هناك بالزاويه يوم كانت ترش عطرها ولما مريت جنبها رشة علي شوي وسوت نفسها مو داريه وإعتذرت على إنها ماتقصد،،آه آه ياساره،،

كل شي حولي يذكرني بشي،،
حتى صوتي وضحكتي لك فيها
شي،،
لو تغيب الدنيا عمرك ماتغيب،،
شوف حالي آه من تطري علي،،
آه آه لوتدري حبيبي كيف أيامي بدونك تسرق العمر وتفوت،،
الأماكن اللي مريت إنت فيها،،عايشه بروحي وأبيها،،
بس لكن مالقيتك¡¡
جيت قبل العطر يبرد،،
قبل حتى يذوب في صمت الكلام¡
وإحتريتك،،
((كنت أظن الريح جابت عطرك يسلم علي))
وكنت أظن الشوق جابك تجلس بجنبي شوي،،
&
من يوم فراقنا إلى اليوم،،
مافات يوم إلا وهي مشغلتني،،
إليا غفيت أشوفها في حلا النوم،،
وإليا صحيت شفتها في كل الأفكار،،
الله يرحمك يا ساره،،كتبت لكم قصة ساره وصدقوني ماهان علي أكتبها بهالسهوله،،ياناس ماكتبتها بقلم عادي،،شوفو بين السطور مرارة الجروح،،
ساره قبل ماتموت وتودع الدنيا أعطتني دفاترها وإخترت أهم صفحتين وهذا تنفيذ لوصيتها،،
الصفحه الأولى،،،
(فواز تكفى سامحني)
فواز قد تقراء رسالتي ولو بعد حين،،
فواز هذه ورقه ولكنها من أعماق توبتي،،ورقة إعتذار ممزوجه بالندم،،
فواز يامن كنت العضدو السند،،يامن جسدت الرجوله بأرقى معانيها،،أخي وكياني أعلم أني كنت أنانيه فكرت في نفسي ولم أفكر بأهلي وصديقاتي ،،
فواز أنا لا أستحق أن أعيش لأن لأن ماإرتكبته بحقك جريمه بشعه ،،لكن صدقني كانت لحظه شيطانيه وكانت لحظة مجون فكر تجرد من الإنسانيه،،فواز خلاص هالورقه أخر ماتخطه أناملي وأرجو من الله أن يغفر لي هذا الجرم وأناشد إحساس الأخوة في قلبك الرحيم أن يسامحني،،
تكفى يافواز سامحني،،
تكفى يافواز سامحني،،

أما الصفحه الثانيه :
(ملاكي الشيطاني)
إليك أيتها الحرباء التي خدعتني بإسم ملاك،،
إليك شيطانتي التي ألقت بي في الجحيم،،
إليك يامن لبست قناع الطهر والعفاف،،وهو منها براء،،
هذه الورقه أعلم أنك ستقرأينها مادمتي حيه،،
أقول لك فيها لقد دمرتي حياتي وحياة كثير من البنات إنتبهي فسوف تهلكين يوم ماء أتعلمين لماذا،،لأني في كل لحظه أدعي عليك ،،
شخص دمرني جعل ربي يشله،،
أصعب شلل يكون مايوجد دواه،،
وألا برص يضفي على الجسم كله،،
يبدا بوجهه ثم يمشي على أعضاءه،،
وألا مرض طاعون حتى يغله،،
يسمع علاجه بس من دون يلقاه،،
ويصاب بالسكر حتى يحله،،
حتى المشي بالرجل ماعاد يقواه،،
ومن يقراء قصتي سوف يدعي عليك،،فإستفيقي من سكرة الشهوات ،،
ملاك لن أسامحك والله لا يوفقك،،أنا متأكده إنك راح تقرأين رسالتي والناس اللي في قلبها حب للخير راح ينشرونها مو علشان القصة حلوه لا بس علشان توصلك،،وتفوقين من الغفله وتتركين بنات الناس بحالهم وترجعين لربك،

هذا ماأقتطفته لكم من وريقات ساره ،،،قصة ساره

منقووووووول

[/size]

مششششششششششششششششششششششششكوره حوووبي م تقصصرين يالغاليه

نورتيني غلاتي ربي يسعدك الله لايحرمني من اطلالتك