حمام زيت سري للغايه روووعه

موضوعي اليوم من العيار الثقيل بس ثقيل في النتائج وخفيف في التكاليف . وهو سر من اسراري الدفينه . وهذا سري الأول . وإذا اعجبكم ابشروا بأسراري القادمه .

والخلطه راح تخلي شعرك مثل اميرتنا بالصوره حلوه وحوله

المصدر :

لاتخافون ماألفته هذي الوصفه ياحبيباتي مذ قديم الازل احد الكوفيرات الصديقه للعائله اعطتنا اياها وكانت تصلحها بالصالون للبنات اللي يحبون الطبيعي .

مثل ماقلتلكم الوصفه سهله ومتوفره بكل بيت ورخيصه ماتكلف شي . وتتكون من خطوتين .

فوائد الخلطه :

تعالج الشعر من التقصف والجفاف ، تعطي نعومه ولمعان ، تفرد الشعر مع المداومه ، وتخلي مظهره صحي .

نجي للمهم :

الخطوه الأولى :

[ندعوك للتسجيل في المنتدى أو التعريف بنفسك لمعاينة هذه الصورة]

هاتي اي زيت عندك تفضلينه وبينك وبينه علاقه رومانسيه ، مايهم اي زيت ، زيت خروع ، سمسم ، زيتون ، جوز هند ........

اي زيت تفضلينه سواء مجموعة زيوت او زيت انت حضرتيه باعشابك الخاصه .

[ندعوك للتسجيل في المنتدى أو التعريف بنفسك لمعاينة هذه الصورة]

شخصيا غالبا ماستخدم زيت الزيتون .

المهم ادهني شعرك من البصيله للأطراف زين وصلحي مساج لفروة راسك .

وعقبه مشطي شعرك .

اوكيه علم . الحين الخطوه اللي بعدها والأهم .

الخطوه الثانيه ( هنا يكمن السر ) :

[ندعوك للتسجيل في المنتدى أو التعريف بنفسك لمعاينة هذه الصورة]

تجيبين بيضه او بيضتين او ثلاث .... الخ حسب طول وكثافة شعرك ، عاد مو تاخذين طبق بيض بعدين يجون اهلك يحرقون شعرك

وتخلطينها مع عسل اصلي . ملعقة طعام لكل حبة بيض .

[ندعوك للتسجيل في المنتدى أو التعريف بنفسك لمعاينة هذه الصورة]

اخلطيهم لين يتجانسون مو تصلحين فيها كيكه بس يتجانسون . اوكيه . وتدهنين فيه شعرك فقط الشعر . راح تحسين بلزوجه وشعور بالضيق وع ......... يخ .......... قرفتكم صح <== نذاله عشان ماتصلحون الخلطه وتصير شعورك حلوه .

لا جد راح تحسين بصعوبه بسيطه في المد بسبب العسل بس هذا المطلوب لان سماكة الخلطه هي اللي تعطي النعومه وتفرد الشعر . عُلم ؟ .

ملاحظه :

اللي تكره ريحة البيض مثلي تحط نقاط من روح الفانيليا اثناء خفق البيض بكذا يخف وقع الريحه شوي .

خطوه اختياريه :

1ـ لفي شعرك بنايلون حفظ الطعام ، وعقبه اربطيه عشان مايوصخ .

2ـ الافضل لو تحطين فوقه منشفه مبلوله بماء دافئ عاد ركزي مو حار ينطبخ البيض بشعرك

مدةالخلطه :

ثلث ساعه الى نصف ساعه ، وإذا حابه تزيدين الوقت حطي الدهن قبل عشر طعشر ساعه .... اقصد الوقت اللي تحبين وقبل لاتغسلين شعرك بثلث ساعه حطي خلطة البيض والعسل .

اوكيه .

طبعا اغسلي شعرك بالشامبو الل تحبينه وصففيه .

تنبيه
الخلطه فعاله خاصه مع المداومه ، لكن شخصيا اكره الوصفات الطبيعيه احب الشغلات السريعه ابو عشر دقائق وللي مالها ريحه . لذلك انا هالوصفه كانت امي الله يرحمها وانا صغيره تجبرني عليها وكان شعري يقول وخروا عني ، بس لما كبرت صرت مزاجيه وماتحمل شي على راسي ، وماتحمل شي فيه ريحه ولو بسيطه . ونادرا ماصلحها .

""منقوووول""

يعطيك العافية

طريقة حلوة وسهلة

ماشاء الله مرررة رووعه رااح نجربها باذن الله [ندعوك للتسجيل في المنتدى أو التعريف بنفسك لمعاينة هذه الصورة]

روووعه

والاحلى انها طبيعيه

يعطيك العافيه

يعطيك العافيه ... حمام زيت سري للغايه روووعه 713102

يسلمووو
هذا من ذوقكن
أسعدني مروركن واهم شي تفيدكن بالعافيه

» اكسسوار حمام للأطفال
» اكـبر حمام سباحه في العالم
» حمام الزيت لإعادة حيوية الشعر وبريقه
» رفوف حمام رائعة اصنعيها بنفسك سهلة جدا..**
» سجاااد روووعه