احبه وشلون اتخلص منه

السلام عليكم

انا في يوم من الايام كنت اتكلم مع صاحبتي بالمسن وكانت صاحبتي حقت حركات وشباب

قالت لي بضيفك محادثه جماعيه مع واحد فله بتضحكين عليه

واحد خبل قلت لها لا قالت لاتصيري معقده بس سوالف انتي لا تكتبين شي بس شوفي هباله

وافقت واضافته وكنت بس اقراء كلامهم يعني ما اتكلم الا لماتناديني صديقتي اقول لها نعم

بعدين صاارت تكرر هذاا الشي حتى صرت اتكلم معاه بالمسن
طلب مني اضيفه واضفته

وصارت بيننا علاقة حب
انا اخاف من ربي ولا عمري سويت شي حرام

بس احبه
اا ابي حل تكفوووون خصوصا انه يلح علي يبي يسمع صوتي وانا رافضه

انتظر الحل منكم يارب تساعدوني [ندعوك للتسجيل في المنتدى أو التعريف بنفسك لمعاينة هذه الصورة]

هلا يالغاليه


شوفي ياقلبي انتي واعيه وعارفه ان هذا الشي مايجوز صح !!!! لا تعطينه رقمك ابدا راح تصير لك مشاكل انتي غنيه عنها

وسمعتك راح تطيح بالارض واذا طاوعتي قلبك واعطيتيه رقمك بكره بتخرجي معاه وهذا شي حراااااااااااام

انتي تعوذي من ابليس واحذفي ايميله من عندك وحاولي تنسيه للابد وصديقتك هذي مافيها خير

حاولي تشغلين نفسك باي شي بس المهم ماتعطينه رقمك لان بالنهايه انتي اللي بتضيعين

لا تصدقين اذا قام يرمي عليك من هالخرابيط الله يهديهم الشباب يغرقون البنات من الحكي عشان يطيحون بحبهم ولا هو تلقين معبي جواله من هالارقام

حبيبتي اتمنى انك تحكمين بعقلك مو بقلبك ونصيحتي انك تبتعدين عنه ياما سمعنى ماسي البنات كله من ورى هالمكالمات الله

يهدي الجميع اتمنى اني افدتك بشي بسيط يالغلا وقلوبنا لك مفتوحه باي وقت [ندعوك للتسجيل في المنتدى أو التعريف بنفسك لمعاينة هذه الصورة]

كفوووووو يا حنايا الروووح
الله يحرم من ربوك عن النار
الله يثبتك على الحق
ومن جد عجبتيني
وانتي غلاتي الله يفرج عنك وما ازيد على كلام حنايا إلا أن اقولك يا قلبي من ترك شي لوجه الله عوضه الله خيرا منه
وهذا الشاب هداه الله يعتبر سلعه رخيصه يشتريك بالقليل
ولا لعبه يلعبها وقت ويرميها
يمكن إنتي طيبه لكن هو ثعبان يلتف حولك مع إن ملمسه ناعم إلا إن لدغته قاتله
قلبي هذا الشيطان هو اللي معلقك فيه
وبسألك بالله قد شفتي واحد يحب وحده من قلبه ويرضى تحادثه كيف بيثق فيها
واوصيك مثل حنايا الغاليه
اللي كلامها اثلج صدري فديتها احذفي رقمه واللي تقولين عنها صديقه لا بالله الا أكبر عدوه الله يهديها إبتعدي عنها ودوري صديقه تخاف عليك مو تضرك
خلك شجاعه واتخذي القرار المصيري في حياتك إما إنك تبتعدين عنه واسأل الله ذلك وتحفظين كرامتك وماء وجهك وسمعة اهلك أو تتبعين خطوات الشيطان وتزل قدمك في المهالك
قلبي كلامي من قلب يحيك في الله ويخاف عليك
لا يهمك هالجيل التالي اللي الوحده مصادقه الف واحد وكل واحد تحبه الله يعافيهن ولا يبتلينا
خلك شاااامخه في زمن الرديه
وادعي الله دايم إن يكفيك شر كل من فيه شر وأذى عليك وعلى المسلمين
وما راح انساك بدعوه بإذن الله
الله يحفظك بحفظه ولا تستسلمين للضعف ولا تحكمك العاطفه يا ما مر علينا بالحياة أشياء كان بوسعها جرنا لجرف الهلاك لكن ربك ستر الله يحفظنا وإيك
وتراك غاااليه
ادعوك لسماااع لانك غاليه للشيخ عبد المحسن الاحمد او محمد العريفي والله نسيت
واتقي الله الذي يراااك
فهو يعلم خائنة الاعين وما تخفي الصدور
ولا تقولين ما قدرت مجرد سؤالك دليل على إنك واعيه وحاسه بالذنب واحساسك هذا دافع لك بإذن الله للتوبه والرجوع إلى الله ولا تنسين ان تصلي ركعتين وتطلبين الله فيها أن يبعد هذا الوحش من قلبك ويفتح لك أإبواب رحمته
والله إن ربنا رحمن رحيم ما إن يقبل العبد عليه إلا وينصره ولا يمكن اان يخذله وإبكي و إنطرحي بين يدي الله
واحذفي كل شي يذكرك فيه وحتى البنت ابتعدي عنها
وابعدي عن الهااااوووويه
أسفه على الإطاله لكن حرقت القلب أجبرتني على الكتابه
أتمنى أن كلماتي دخلت قلبك الطيب

اللي كتبته حنونة
ولله داعية عيــــن العقل
بس ماراح انساك من دعائي

بنات مشكورين على النصيحه

بس انا حاااولت مية مره اني اتركه وخليته تقريبا شهر ما ادخل المسن قلت يمكن ينساني

لكن يوم فتحت البريد حقي لقيته مرسل رسايل كلها شعر عن الفراق ويقول ارجعي ابيك بس بكلمة

بعدين يوم فتحت الماسنجر قال لي ليه تتركيني بدون حتى كلمة وداع انتي تبيني اموت

قلت له انا صراحه ما ابي تستمر هذي العلاقه

قال مستحيل اتركك

اللحين يابنات انا ما ابي هذي العلاقه بس ما ادري ليه متمسكة فيها احس انه صادق

وانا اخاف من ربي

واللي خلاني اكتب لكم انه يبي يسمع صوتي ومصر يسمعه ويقول رقمك عندي بس انا انتظر منك توافقين

ما ابي شي غصب عليك اللي اعطاه الرقم صاحبتي يوم تركته شهر تقول اصر علي وقال عطيني ولا راح ااقول انه انتي اللي عطيتيني بس يوم واجهتها اعترفت انه هي وكانت اول منكره


بنااااات انا تعبانه مره ساعدوني وخايفه من ربي ومن اهلي احس اني متورطه

يا قلبي الله لايوفقهااا من صديقه

لا كن بحاااول باذن الله اساااعدك

وباقي الاعضاء بعد ..

شرااايك تدخلين الدردشه بكره من بدري او اي يوم واتكلم معااااك؟؟؟

راح انتظرك ....

السلام عليكم
يا قلبي
أسمعيني ممكن تسمعيني بعقلك وقلبك
أسألك بالله لو هو صادق ويحبك ويموت فيك كان خلاك ولا جاء لأهلك يخطبك
وبعدين لا يهمك كلامه البايخ فراق وخرابيط والله لو هو صادق كان طلب رقم ابوك وحركت إنه ما دق عليك ما يبغى شي غصب عنك لا تصدقينه ترا هو يسوي كذا عشان يبي يكسب ثقتك والله إن قلبي يحترق عليك والله يالغاليه لو بيدي كان أخذت بيدك ولا اخليه يمس شعره من شعرك واللي محسوبه عليك صديقه والله ما هي كفو تكون صديقه الله يهديها بس ولا فيه صديقه تجر صديقتها للدمار وين الوفا ما عاد فيه صداقه الا ما شاء الله
يا قلبي ترا الشيطان هو اللي معلقك فيه ومغطي على تفكيرك وقلبك ويحسسك انك تحبينه لكن والله لو تفكرين فيها شوي عرفتي ان لا يمكن فيوم من الايام تفكرين بواحد مثله ولو يجي يوم ويسأله احد ترضى تاخذها والله ان يصعقك بالاجابه لانه ما يتشرف ياخذ وحده مثلك تحادثه طلبتك تكفين لا تكلمينه ولو قدرتي غيري رقمك ولا تعطينه الا الثقه نصيحه من قلبي لا تكلمينه ولا تقولين مره وحده بس مره تجر اللي بعدها وحتى هاللسفيه ما يرضاها لأخته وترا هو وهو يكتب هالكلام جالس وعارف انه بيأثر فيك لانك طيبه وهو خبيث
الله يخليك الا المكالمه لا ترضخين له انت عزيزه وتذكري الله ثم سمعة اهلك ولا تهتمين صحيح ممكن تتعبين في البدايه وكله من الشيطان يبي يوقعك في الحرام لكن النتيجه إنك راح ترضين الله ثم تحفظين نفسك واهلك وخلي اخر رساله له أن لو يبيك يجي يخطبك الناس تدخل البيوت من ابوابها من باللف والدوران
المهم انتي معي وفاهمتني لا تقرين على اساس انك ما تقدرين وتحبينه الدنيا هذي لا بد من التنازلات والمسأله هذي حيات وموت وانا ما أدري عنك وعن حياتك لكن اذا كان عندك فراغ حاولي تشغلينه بشي حلال وغيري كل شي واحذفي كل شي يذكرك به
لا يهمك انه عبا لك الوارد بالرسايل ما يحتاج اصلا ما تعب فيها نسخها من اللي قبلك ولصقها
وانت بظنك انه يحبك تراه يعتبرك سلعه ودميه يزمين ويرميها والله العالم وش اسمك عنده ترضين يكون اسمك بااااايخ مثل المهبوله او الخبله ويا ليت تجي على ذي بس
والله انك حارقه قلبي ولا ابيك تنجرفين ورا هالنذل الله يهديه ما يخاف من الله فيك
وما بيدي الا أدعي لك وقدمت كلماتي هذي اللي اسال الله ان تدخل قلبك والله انا ما عرفك ولا بيننا شي الأ إنك مثل اختي واخاف عليك واحبك في الله لاننا في هالمنتدى اللي جمعنا على خير ان شاء الله
طلبتك ردي وريحيني ترا على بالي طول اليوم واسال الله ان يقذف في قلبك كرهه ويثبتك ويقويك عليه الله يبعده عنك
واذا انتي شجاعه وانسانه تخاف الله احتسبي الاجر واطلبي من الله يعوضك والله كريم وراح تشوفين بحياتك ما يسرك بإذن الله واذا الله عطانا عمر وتزوجتي وجاك بنات راح تكوني مرتاحه بإذن الله لأنك عارفه ان كما تدين تدان وراح تسجدين لله شكر انك ما رحتي وراه والله انا اسفه ما اعرف عمرك واكلمك باسلوب عساه يناسبك
تكفين بشريني انك حذفتيه وصديقتك من حياتك ولو فيها خير ما عطته الرقم الله يهديها وبس ادعي لها طيب لو قلنا انك فتحتي المجال له وكونتي علاقه وبصوتك اللي اكيد بيسجله لا تحاولين مسجله مسجله ولا تقولين بحلفه قالوا للحرامي احلف
تكفين تكفين تكفين
طمني قلوبنا عليك وخليك معنا في المنتدى ولا تروحين منا ولا منا ولو حاسه بضيق وحيره صلي ركعتين لله وادعيه وابكي امامه واطلبه ان يحفظك ويحميك شر التافه
والله الكلام يطوووووووول وادوخت راسك
أسأل الله ان يعلي قدرك ويشرح صدرك وييسر امرك ويرزقك سعادة الدارين الله يبشرك بالفردوس الأعلى والله يالغاليه هذي جهدي فإن أصبت فمن الله وان اخطأت فمن الشيطان ونفسي
الله يكتب لك كل خير وانتظر ردك بفااااارغ الصبر
وخلي شعارك من ترك شي لوجه الله عوضه الله خير منه
وقولي انا الشامخه اللي لا تقبل الإنكسار
والموت ولا درب الدنيه
محبتك في الله

السلام عليكم

اختي الغاليه صاحبة المشكله
يشهد الله اني احبك من باب الاخوة في الاسلام

التمست في رسالتك الندم والخوووف من الله
وعرفت بل متأكده انك بنت صالحه واهنيك على ذلك
انتي الأن لا تحتاجين ان نذكرك بالعواقب والاضرار المترتبه على هذه العلاقه

لكن تحتاجين لخطوات عمليه
اول شي انتي طلبتي المسااعده
وانا بنساعدك باللي نقدر عليه
ونبي تتواصلين معنا وتسووين الخطوات المطلوبه

انا ابيك تقولين له انا راح انخطب وابيك اذا تحبني تخطبني ؟؟
رااح يكون رده اذا هو يحبك اكيد حاضر وبخطبك وانتي لي وبيجي ويخطبك
اما اذا كان لعاب وهذا اللي انا متأكده منه بيجيب لك مليون حجه وبيجيب لك اعذار لف ودوران ماراح يقول لا مباشره
تدرين ليه لأنه يبي يتسلى وياخذ منك اللي يبي

ثاني خطوه بعد ما تتأكدين ان كل كلامه كذب غيري الايميل وافتحي لك ايميل جديد ولا تضيفين فيه اللي تسمينها صاحبتك وهي والله عدوه كل صديقاتك انقليهم للأيميل الجديد الا البنت هذي واللي هلى شاكلتها

الخطوة الثالثه غيري الرقم السري لأيميلك الاول بحيث انك تكتبين رقم عشوائي.
بورقه وتغيرين الرقم السري بعدين ارمي هذا الرقم حتى لا تاخذك العاطفه وتقولين بفتح البريد او الايميل واشوووف وش كتب لي اقطعي العلاقه مره وحده وغيري الرقم السري برموز وارقام مثل ماقلت لك اكتبيها بورقه علشان ترمينها وتنسين الرقم وحطي ارقام صعبه

الخطوه الاخيره شريحتك تخلصي منها شريحة الجوال لا تكلمينه ولا ترسلين له لانه ممكن يهددك فيها بعدين غيري الشريحه وطلعي رقم جديد
اخر خطوه اسجدي لربي اللي يحبك وحماك من شر هذا الخبيث واحمدي ربك انه ماقدر عليك لأن الله يحبك وتكفل بحمايتك
ارجووووو انك تتواصلين ننتظر الردمنك]

شكرا يا بنات ماقصرتو

انا سويت لي ايميل جديد وارسلت للبنات اللي معي اول وخبرتهم بالايميل
علشان يقبلون اضافتي
وسألتني صاحبتي قالت انتي مسويه ايميل قلت لها لا
وما ادري صدقت ولا لا

اما هو قلت له ان ولد عمي تكلم مع بابا علشان يخطبني قال لي ارفضي
قلت له ليه ارفض قال انتي صغيره على الزواج والمسؤليه
قلت له انا خلاص ماراح ادخل الايميل قال طيب خلينا نتواصل بالجوال لو رسايل بس
انتي تبين تذبحيني ومن هالحكي يقول لي ليه كل ما احااول اتقرب منك تبعدين عني
ويحلف انه يحبني قلت له مثل ماقلتو لي طيب خل كل شي بالحلال
قال لي كيف قلت يعني اخطبني قال انا بخطبك بس انتي اللحين صغيره وانا صغير خلينا مع بعض

بنااات انااا صراااحه قررت انهي العلاقه بس احس انه صااادق


بنات وش اقوول له

بالنسبه للجوال قلت لبابا ابي اغيره قال لا ليه تغيرينه قلت عليه ازعاج قال عطيني الرقم اللي يزعجك

تورطت وقلت ما اعرفه مسحته قال لا تردين واذا دق سجلي الرقم وعطيني اشووف مين

اللحين بابا صار يطلب جوالي بحجة يدق على عمتي او يشوف الجهاز
احسه شاك بشي
بنات نفسيتي تعبااااااانه

الله يفرج همك يالغلا صديقيني والله موصاادق كذااب حتى لو تحجج بحجة انة توة صغير كذاااب لاتصديقينة ابدا
حبيبتي والله كذاااب والله اني خاايفة عليك انتي خليك واثقة من نفسك واذا طلب الجواال ابوك عطية بكل ثقة ولا ترتبكين انتي ماسويتي شي غلط صح ولالا ما قد كلمتية واذا ارسل او شي بيكوون انتي قايلة لابوك ان علية ازعاج صح ولالا؟؟؟
وبالنسبة للجوال لا تردين علية ابدا وباسعى جاهدة ادور لك طريقة حظر المكالمات الله يفرج همك

لي عودة اقولك بعض الحلول

اهلا اختي

بالعكس ماسوينا الا الواجب


شفتي عزيزتي انا قلت لك لن يقووول لا مباشره لكن

سيضع الاعذااار يبي ينبسط ولا همه انتي



ومن يتق الله يجعل له مخرجا

خلاص ابليس يزين لكما لا تطيعيه اقطعي العلاقه وقولي اللي يبيني عندي أهل

وكفانا الشبابيك يوجد هناك ابواب


قلوبنا معك قولي لنا اخر اخبارك

انا اقول كلام حنايا الروح ولله داعيه اعجبني وانتي انصحك نصيحه لوجه الله لا تعطينه رقمك واحذفي ايميله وخلاص انسيه وادعولاخي الصغير بالشفاء العاجل فهو لحاجه من دعاكم

اعتقد البنات

ماقصرووو


ليس لنا سوى ندعو لك

بأن يكفيك شر من به شر

لالالالالالالالالالالالالالالالالالالالالالالا لاتعطينه رقمك انتي خبله
بعديين انتي من متى تعرفيينه عشاان تحبينه هذى يدل على نقص فييك مع احترامي
بس لا لاتووصل لدررجة انك تكليمممييينه وضروري تحذفين ايميله وصديقتك ذي مو تسمينها الصديقه المفروض تسمى الخبيثه الصداقه تكون ع الحب ف الله وع الايماان مو ع خرااب البيووت والدمااار انصحك بأنك تنصحين صااحبتك هذي وتبعدين عنها والولد هذى انسيه بعدين وش خلاك تحبين واحد منتي وااثقه فيه وكييف تووثقين فيه اصلاا وش ضمنك انه مااعرف مليوون بنت قبلك
الله يهدييكم ويثبتنا وايااكم ع الطااعه
اتركييييييها وابعدي عنه ..لاتصيرين كوول ماشفتي واحد قمتي حبيتيه لا انتي وش تحسين به اكييد انك بنت عرب واصوول بس الشيطاان وصااحبتك غرووك بس انتي خلي تاثيرك فيهم اكثر من تأثيرهم فييك وهذى كللله لمصلحتك

بناات .. اتوقع وهذا رأيي انو تتصل
ع الهيئه .. اتوقع مرررا ينفع لهالاشكاال

والبنت تدبرها عند المدرسه تشتكيها .. حتى لو انها صديقتها

انا مدرستي كان فيها بنت وحده هي اللي تعطي الارقام < اقصد ارقام الاولآد للبنات

وكبرت المشكله ووصلت للشرطة

وربي ما اكذب عليكم .. يعني تكفين بلغي للهيئه عن الولد
والبنت عند المدرسه واللي يخليكـ


اتمنى اني اكون افدتكـ بشئ



واهم ششئ الدعاااااااااااااااااااااااااااء