زوجي يخونني فماذا افعل ؟!!!

الموضوع لاخواتي الزوجات الي دايم مغلوب على امرهم من ازواجهم وخصوصا الزوج الي يلعب بذيلة الي يبيلة القطع وممكن من اخواتي الانسات الاطلاع على الموضوع للأفادة.
الموضوع غريب شوي لان دايم النصيحة هي وش تسوين في حالة انك اكتشفتي ان زوجك يخونك بس انا نصيحتي هي الأشياء الي ماتسوينها في حالة اكتشفتي هذي الخيانة...نفرض انك الان اكتشفتي ان زوجك خاين (مكالمة,رسالةجوال,شفتي شيء عندة,رسالة ورقية,بوادرخيانة) انتي الحين اول شيء مصدومة ما تدرين وش تسوين بهالموقف المفاجيء الي ما كان لا عالبال او الخاطر انتي طبعا الان خايفة. متوترة زعلانة بالحيل. كرامتك مجروحة.تفكرين بطريقة الانتقام المناسبة...

اولا:صلي ركعتين استخارة وادعي الله انة يثبتك ويخفف عليك.
( نصيحة)
(الثبات والصبر من الله)

ثانيا:حاولي تمسكين اعصابك وتهدين نفسك.
(نصيحة)
ادري انها صعبة بس حاولي باقصى ما يمكن

ثالثا:لا تحاولين بأي طريقة من الطرق انك تفاتحينة بالأمر سواء بالتصريح او التلميح خلي الموضوع عادي.
(نصيحة)
( لانة بينكر العلاقة وبيصير حريص وممكن تجيكي كفختين من باب تغيير الموضوع)

رابعا:لا تطلعين من البيت وتروحين لأهلك لأن وجودك بالبيت بهالفترة ضروري جدا عشان الأمور تصير واضحة لك.
( نصيحة)
(تحتاجين انك تكونين قريبة منة بهالوقت لأن التفكير راح يذبحك).

خامسا:حاولي مراقبة نشاطاتة اليومية راقبي تصرفاتة اتصالاتة خروجة ودخولة واكتبي كل شيء في ورقة.

(نصيحة)
( اقولك الورقة ما تشيل يبيلة دفتر ابو مية).

سادسا:اكيد انك تفكرين الحين انك تعلمين احد سواء من اهلك او اهلة او صديقة مقربة لك من باب الوقوف معك بهالمشكلة.مافي مانع بس الأفضل ان يكون الشخص مقرب كثير لك وحافظ للأسرار لان صديقتك ممكن تكون هي الأنسانة الي تخونك مع زوجك.
(نصيحة)
(ممكن انك تبين تسامحينة بالأخير فلا تخلين احد على علم بالموضوع عشان ما تصيرين علكة عندهم)

سابعا:لا تواجهين زوجك المصون بخيانتة الا اذا كان عندك ثلاث عوامل1-الدليل.2-الخطة.3-الهدف.
حاولي ان المواجهة تكون في اسرع وقت وتكون بعقل وحكمةوالوقت المناسب والمكان الزين .لا تواجهينة بالسؤال الاعتيادي انت خنتني لان الخاين كذاب في جميع الحالات لان الكذب من اساسيات الخيانةالزوجية .الحين جاء دور الدفتر العزيز واجهية بكل الأدلة الدامغة الي جمعتيها واسئلية ليش خانك وشي الأسباب ومتى بدأالخيانة ووشي مشاعرة لعشيقتة وش بيسوي بعد ما عرف انك عرفتي كل شيء.حاولي تكونين مستمعة جيدة لكل شيء بيقولة لأنك بتعتمدين علية في قرارك الاخير بخصوص علاقتكم الزوجية.
( نصيحة)
(لا تحاولين تواجهينة بدون دليل ابدا ولا تفكرين لان الموضوع بيصير ضدك مهوب لك)

ثامنا:لا تحاولين تتصلين على عشيقتة او تحاولين مواجهتها او تطلبين منها انها تترك زوجك لأنها ببساطة ما تهمينها في شيء.اكيد بتكونين فضولية بمعرفة كل ما يحيط بها ولكن لا تحطين نفسك في موقف سخيف ومذل ومهين وببساطة لا تحاولين تضعين وقتك معاها وهي ما تستاهل.لا تحاولين تجيبين طاريها لزوجك عشان لا تصير محور حديثكم محور حديثكم لازم يكون علاقتكم الزوجية بس.وهي اصلاح زوجك واعادة الاستقرار لحياتكم الزوجية.

واخيرا الحين جاء وقت اتخاذ قرارك تبين تسامحين زوجك وتغفرين لة وتبدأصفحة جديدة بينكم او انهاء العلاقة بينكم

(نصيحة)
(تذكري ايامكم الجميلة واوقاتكم السعيدة واطفالكم ان وجد ومواقف زوجك معك )

يقول الرسول الامين علية السلام(خير الخطائون التوابون). الصبر والاحتساب مأجورة علية اختي في كل الأحوال..

لا تحرمونا من تعليقاتكم..

وغالب النساء لما تعرف زوجها بيتزوج عليها اول كلمه باروح بيت اهلي..خليه يسوي اللي يبيه اهم شئ يكون بيصرف عليكي وع عيالك هذا المهم..اذا انتي كنتي هادئه ومابكيتي وصارختي صدقيني راح يرجع لك..بس انتي مهما سوا كوني مطيعه له ولا تقولي لا لزوجك او ليه..زوجك ممكن بيكون يختبرك اذا تزوجت عليها وش بيكون تصرفها..وصدقيني لوقلتي باروح بيت اهلي ورقة طلاقك راح توصلك..اما اذا كنتي هادئه راح يرجع لك..حبيبتي موضوع رائع

موضووووووووووووووووووووووووع في غاية الاهميه

وفعلاااا اهم شي الهدوء

لكن ليس من في الظل كالذي يقف في لهيب الحراره

يمكن تتهور المراءه لكن بعد ماتهداء تندم على كل شي

موضوووووووووووووع رائع كروعتك

دمتي بود

اخواتي العزيزات نسيتم امرً في غاية الاهميه وهو سبب خيانة الزوج
ربما لم يعد يجد الأهتمام الذي حظي به في اول فترة زواجهما او بانه لم يعد يجد راحت البال في بيته او بسب اهمال زوجته له لماذا لاتستغل المرءه المشتكية من خيانة زوجها لها في الأهتمام بنفسها وبطبع سيلاحظ الزوج هذا التغيير وعندها سيبدا بالشعور بذنب ويعود اليها
لما لا نفكر فيما فعلته تلك المرءة لجذبه له ؟؟؟؟؟؟؟؟؟؟؟ اكيد الأهتمام والكلام المعسول

ياااااااااااااااااااااااااويلي

وقسم اذا خانني بتوطأ ببطنه خخخخخخخخ

<- تراا مابعد تزوجت بس لقافه

ههههههههههههه
بموته لكن الحمدلله ماصارت معي

» زوجي يكرهني
» طلب من امه ميتين فماذا ردت عليه ؟؟
» وضعت كاميرا في بيتي تراقب تصرفاتي فماذا وجدت؟؟؟؟